បុរសម្នាក់មានឈ្មោះ Kevin ជាជនជាតិឥណ្ឌូនេស៊ីបានកើតជម្ងឺចម្លែកដែលធ្វើឲ្យជើងរបស់គាត់ប្រែក្លាយទៅជាធំម្ខាងអស់រយៈពេល ១៩ ឆ្នាំមកហើយ។ តាមប្រភពព័ត៌មានបរទេសនានាបានឲ្យដឹងថា ជើងស្តាំរបស់ Kevin បានហើមធំឡើងៗរហូតដល់ ១៤២ សង់ទីម៉ែត្រ។ ដោយសារតែជើងខុសប្រក្រតី Kevin មានអារម្មណ៍តូចចិត្តខ្លាំងណាស់ ហើយសូម្បីតែធ្វើដំណើរទៅណាមកណាក៍ពិបាកដែរ។ បើទោះបីជាម្តាយរបស់គាត់បានទៅ ពីប្រទេសម៉ាឡេស៊ី ប្រទេសសិង្ហបុរីដើម្បីរកជំនួយ ប៉ុន្តែគ្មានប្រយោជន៍នោះទេ។ រហូតដល់ខែកក្កដាឆ្នាំមុនម្តាយរបស់គាត់ បានទៅរកមន្ទីរពេទ្យសប្បុរសធម៌ Hualien កោះតៃវ៉ាន់ប្រេទេសចិនទើបមានជំនួយ។ ក្រោមការដឹកនាំរបស់លោកវេជ្ជបណ្ឌិត Li Tuan Dat និងក្រុមគ្រូពេទ្យ ៨ នាក់ផ្សេងទៀត បានធ្វើការវះកាត់ ៣ ដងដើម្បីយកស្លេស ៦៥ លីត្រចេញពីជើងរបស់គាត់ទើបអាចស្រកទម្ងន់អស់ ៥៤ គីឡូក្រាម។ ចុងក្រោយលោក Kevin បានជាសេះស្បើយ ហើយគាត់មានកម្ពស់ ១,៧៨ ម៉ែត្រ និងទម្ងន់ ៦៩ គីឡូក្រាម៕
មតិយោបល់