ក្រុមហ៊ុនផលិត Chip យក្ស Intel បានបង្ហើបឲ្យដឹងពីកម្រោងកាត់បន្ថយកម្លាំងពលកម្មប្រមាណ ៥ភាគរយនៅចុងឆ្នាំ ២០១៤ នេះ។
គិតត្រឹមចុងឆ្នាំ ២០១៣ ក្រុមហ៊ុន Intel មានបុគ្គលិកទាំងអស់ចំនួន ១០៧.៦០០នាក់ ហើយបើតាមគម្រោង បុគ្គលិកចំនួន ៥.៤០០នាក់ នឹងត្រូវជម្រុះ ព្រោះជាលក្ខណៈការងាររបស់ក្រុមហ៊ុន។
ប្រាក់ចំណេញរបស់ក្រុមហ៊ុន Intel នៅក្នុងត្រីមាសទី៤ ឆ្នាំ ២០១៣ បានកើនឡើង ប៉ុន្តែកើនឡើងតិចតូច ខណៈដែលសញ្ញាណនៃការលក់ Chip សម្រាប់កុំព្យូទ័រកើនឡើងវិញ។
ក្រុមហ៊ុន Intel បានឲ្យដឹងថា ប្រាក់ចំណេញសុទ្ធនៅក្នុងត្រីមាសចុងឆ្នាំ ២០១៣ មានចំនួន ២,៦៣ពាន់លានដុល្លារអាមេរិក ដែលកាលពីឆ្នាំមុនមាន ២,៤៧ពាន់លានដុល្លារអាមេរិក៕
មតិយោបល់