កាលពីថ្មីៗនេះ ក្រុមហ៊ុន Apple បានប្រកាសឲ្យដឹងពីហិរញ្ញវត្ថុប្រចាំត្រីមាសទីដំបូង ឆ្នាំ ២០១៤ ដោយកើនឡើងខ្ពស់ ប៉ុន្តែមិនគ្រប់តាមការរំពឹងទុក។
យោងតាមការចុះផ្សាយរបស់គេហទំព័រ Apple Insider បានឲ្យដឹងថា នៅក្នុងត្រីមាសដំបូងឆ្នាំនេះ Apple ទទួលបានប្រាក់ចំណេញ ១៣,១ពាន់លានដុល្លារអាមេរិក ខណៈដែលប្រាក់ចំណូលមានចំនួន ៥៧.៦ពាន់លានដុល្លារអាមេរិក។
នៅក្នុងរបាយការណ៍ក៏បានបញ្ជាក់ថា Apple លក់ iPhone បានចំនួន ៥១លានគ្រឿង និង iPad បានចំនួន ២៦លានគ្រឿង ខណៈដែលការលក់ម៉ាស៊ីន Mac បានចំនួន ៤,៨លានគ្រឿង។
ក្រោយពីបង្ហាញរបាយការណ៍នេះរួច ភាគហ៊ុនរបស់ Apple បានធ្លាក់ចុះភ្លាមៗផងដែរ ព្រោះតែប្រាក់ចំណូលរបស់ Apple មិនទទួលបានដូចការរំពឹងទុក ៥៨ពាន់លានដុល្លារអាមេរិក៕
មតិយោបល់