ក្រុមហ៊ុនប្រេង និងឧស្ម័នរបស់អាមេរិក General Electric (GE) នឹងសហការគ្នាជាមួយនឹងក្រុមហ៊ុនឯកជនរបស់មីម៉ាន់ម៉ា SMART Technology Service ទៅលើវិស័យប្រេង និងឧស្ម័ន។ នេះបើយោងតាមសារព័ត៌មានក្នុងស្រុកបានចេញផ្សាយនៅថ្ងៃពុធ។
សារព័ត៌មានក្នុងស្រុកបានឲ្យដឹងថា កិច្ចសហប្រតិបត្តិការនេះ គឺក្រុមហ៊ុនមីយ៉ាន់ម៉ា SMART នឹងផ្គត់ផ្គង់សម្ភារ និងសេវាកម្មដល់ក្រុមហ៊ុន GE រួមនឹងដំណោះស្រាយផ្សេងៗ។
ក្រុមហ៊ុនអាមេរិកមួយនេះ បានឈានជើងចូលទឹកដីមីយ៉ាន់ម៉ា ភ្លាមៗក្រោយពេលដែលអាមេរិកប្រកាសលើកលែងការដាក់ទណ្ឌកម្មមកលើប្រទេសមីយ៉ាន់ម៉ា កាលពីឆ្នាំ ២០១២។
ក្រុមហ៊ុនក្នុងស្រុករបស់មីយ៉ាន់ម៉ា បានស្វែងរកប្រតិបត្តិការទ្វេភាគីបរទេសក្នុងការរុករកប្រេង និងឧស្មីន ប៉ុន្តែជាដំបូងគេឃើញមានក្រុមហ៊ុនអាមេរិកជាអ្នកវិនិយោគមុនគេ។
គួរបញ្ជាក់ផងដែរថា ការវិនិយោគបរទេសទៅលើវិស័យប្រេង និងឧស្ម័នរបស់មីយ៉ាន់ម៉ា បានកើនឡើងដល់ ១៤,៣៨ពាន់លានដុល្លារអាមេរិក ទៅលើគម្រោងចំនួន ១១៥ កាលពីឆ្នាំ ២០១៣ ដោយបានកើនឡើងជិត ៣៣ភាគរយ៕
មតិយោបល់