នេះជាលើកទី៤ ក្នុងជម្លោះប៉ាតង់ និងជាលើកទី៣ក្នុងរយៈពេល ២ខែចុងក្រោយ ដែលក្រុមហ៊ុនហ្វាំងឡង់ Nokia បានឈ្នះក្ដីក្រុមហ៊ុនតៃវ៉ាន់ HTC។
យោងតាមការចុះផ្សាយបានបញ្ជាក់ថា ក្រុមហ៊ុន Nokia បានឈ្នះក្ដីក្រុមហ៊ុន HTC ទៅលើជម្លោះប៉ាតង់ នៅក្នុងប្រទេសអាល្លឺម៉ង់ ខណៈពេលដែលក្រុមហ៊ុនទាំងពីរកំពុងតែបន្តកិច្ចព្រមព្រៀងប៉ាតង់ជាច្រើន។ បើតាមការបញ្ជាក់ប៉ាតង់ថ្មីដែលក្រុមហ៊ុន Nokia ឈ្នះនេះ គឺភាគច្រើនជាប៉ាតង់ដែលអាចឲ្យឧបករណ៍ចាស់ៗប្រើបាន។
ក្រុមហ៊ុន Nokia ធ្លាប់បានបញ្ជាក់ប្រាប់ដល់ HTC ថាឆ្នាំថ្មីគួរតែបង្កើតអ្វីដែលថ្មីហើយការប្រកួតប្រជែងក៏គួរតែធ្វើឡើងឲ្យមានភាពស្មើគ្នាដែរ។
គួរបញ្ជាក់ផងដែរថា នៅមុននេះ ក្រុមហ៊ុន Nokia បានឈ្នះក្ដីក្រុមហ៊ុន HTC នៅក្នុងចក្រភពអង់គ្លេស ហើយក៏គំរាមប្ដឹង HTC នៅអាល្លឺម៉ង់ផងដែរ៕
មតិយោបល់