ភ្នំពេញ៖ កម្ពុជា នៅក្នុងខែមករា ដើមឆ្នាំ ២០១៤ បាននាំចេញអង្ករសរុបចំនួន ២១.៥៣៦តោន បើធៀបនឹងរយៈពេលដូចគ្នាកាលពីឆ្នាំ ២០១៣ ធ្លាក់ចុះប្រមាណជា ១៦.២៨ភាគរយ ដែលមានចំនួនរហូតដល់ទៅ ២៥.៧២៦តោន។
យោងតាមរបាយការណ៍ស្តីពីស្ថានភាពនៃការនាំចេញអង្ករកម្ពុជាក្នុងរយៈពេល១ខែដំបូង ឆ្នាំ២០១៤ របស់លេខាធិការដ្ឋានច្រកចេញចូលតែមួយសម្រាប់បំពេញបែបបទនាំចេញអង្ករបានឲ្យដឹងថា នៅក្នុងខែមករា ឆ្នាំ ២០១៤ កម្ពុជាបាននាំចេញអង្ករចំនួន ២១.៥៣៦តោន ទៅកាន់បរទេស ដែលធ្លាក់ចុះប្រមាណជា ១៦.២៨ភាគរយ បើធៀបនឹងរយៈពេលដូចគ្នាកាលពីឆ្នាំមុន។
ប្រភេទអង្ករដែលកម្ពុជាបាននាំចេញសម្រាប់ដើមឆ្នាំ ២០១៤ មាន ៩មុខ ក្នុងនោះ អង្ករក្រអូបផ្កាម្លិស(ផ្ការំដួល) និងអង្ករសចម្រះគ្រាប់វែង បាននាំចេញច្រើនជាង ដោយមានចំនួន ៩.៩៨៤,៣តោន និង ៥.៣២៨,៤តោន។
ប្រទេសដែលនាំចូលអង្ករកម្ពុជាច្រើនជាងមានដូចជា បារាំង ហូឡង់ ប៉ូឡូញ ម៉ាឡេស៊ី ហ្គាបុន និងចក្រភពអង់គ្លេស៕
មតិយោបល់