នៅលើកំណត់ហេតុបណ្តាញ របស់ស្រីស្រស់កូរ៉េ ដែលប្រើប្រាស់បណ្តាញសង្គមចិន មានមនុស្ស ជាង ៥ លាននាក់ ដែលពេញចិត្ត ឬ Like ទំព័ររបស់នាង ។
យោងតាមប្រភពព័ត៌មានក្នុងប្រទេសកូរ៉េ និង ចិនបានចុះផ្សាយកាលពីថ្ងៃទី ៧ ខែ កុម្ភៈ ឆ្នាំ ២០១៤ ម្សិលមិញបានចុះឲ្យដឹងថា ស្រីស្រស់ Park Shin Hye ដែលជ្រកក្នុងផលិតកម្ម S.AL.T Entertainment ប្រើបណ្តាញសង្គមចិន Weibo មានអ្នកចុចចូលចិត្ត ចំនួន ៥ លាននាក់ ។តំណាងស្រីស្រស់រូបនេះបាននិយាយថា “ទីនេះ គឺជាទំព័រផ្ទាល់ខ្លួនរបស់នាង សម្រាប់អ្នកគាំទ្រ ដែលប្រើប្រាស់បណ្តាញសង្គមចិន Weibo ដែលាមានអ្នកចុចចូលចិត្តចំនួន ៥ លាននាក់”។ តែបើតាមតួរលេខពិតដែលកំពុងដំណើរការនោះ មានចំនួន ៥,៤ លាននាក់ ហើយចំនួននេះនឹងកើនឡើងជាបន្តទៀត នៅពេលខាងមុខ។ នេះគឺជាលើកតំបូងហើយ ដែលតារាសម្តែងកូរ៉េទទួលបានតួរលេខ នេះ ក្នុងការប្រើប្រាស់គណនីយ Weibo ។
ខាងផលិតកម្មបាននិយាយឲ្យដឹងថា Park Shin Hye គឺរីករាយខ្លាំងណាស់ ដែលបានឭព័ត៌មាននេះ ដោយអរគុណដល់ សហគមន៍ចិនដែលបានគាំទ្រនាង ។ ដូចគ្នានេះដែរខ្សែភាពយន្តរបស់នាង សម្តែង ក៏ទទួលបានការគាំទ្រ មិនតិចនោះទេ នៅលើ បណ្តាញសង្គមចិន Youku ដោយមានអ្នកចុចបង្ហាញ ចំនួន ៩០០ លានដង ។ Park Shin Hye តាមរបាយការណ៍ពីរខាងលើសបញ្ជាក់ថានាងជាតារាដ៏ល្បីល្បាញបំផុត ក្នុងប្រទេសចិន៕
មតិយោបល់