ឆ្កែមួយក្បាលដែលមានឈ្មោះថា Freddy ត្រូវបានគេចាត់ទុកថាជាពូជឆ្កែដ៏ធំបំផុតនៅក្នុងពិភពលោក គ្រាន់តែមានអាយុ ១៨ ខែតែប៉ុណ្ណោះវាអាចកើនទម្ងន់រហូតដល់ទៅ ៧០ គីឡូក្រាមទៅហើយ។ Freddy បានរស់នៅជាមួយនិងម្ចាស់ដែលមានឈ្មោះថា Stoneman វ័យ ៣៨ ឆ្នាំមកពីចក្រភពអង់គ្លេស។ ជាមួយនឹងកម្ពស់ ១០៤ សង់ទីម៉ែត្រ Freddy បានក្លាយទៅជាកំពូលឆ្កែនៅក្នុងចក្រភពអង់គ្លេស ទោះបីជាយ៉ាងណាឆ្កែមួយក្បាលនេះមិនទាន់អស់ធំនៅឡើយ។ អ្នកនាង Stoneman ដែលជាម្ចាស់ឆ្កែបាននិយាយថា ជារៀងរាល់ថ្ងៃនាងតែងតែចំណាយពេល ៤០ នាទីជាមួយនឹង Freddy ដើម្បីរត់។ មិនតែប៉ុណ្ណោះឆ្កែមួយក្បាលនេះត្រូវបានជាប់នៅក្នុងកំណត់ត្រាពិភពលោក ជាឆ្កែដែលខ្ពស់ជាងគេបំផុត៕
មតិយោបល់