សុខភាព៖ អ្នកវិទ្យាសាស្ត្រ បានប្រកាសប្រាប់ថាការកាត់បន្ថយទម្ងន់ ដោយប្រើប្រាស់ វិធីបង្អត់អាហារនោះវាហួសសម័យទៅហើយមធ្យោបាយមាន តែមួយគត់ដើម្បីបង្ក្រាបរោគធាត់នេះបានជាស្ថាពរ មានតែការវះកាត់ក្បាលពោះតែប៉ុណ្ណោះ។
អ្នកវិទ្យាសាស្ត្រមកពីមហាវិទ្យាល័យខ័លឡិច ឡុងដុង នៃចក្រភពអង់គ្លេសបានពោលប្រាប់ថាបញ្ហានៃរោគធាត់ មិនមែនស្ថិតនៅក្នុងការសម្រកទម្ងន់ឲ្យបាននោះទេ ផ្ទុកទៅវិញគួរធ្វើយ៉ាងណាដើម្បីរក្សាទម្ងន់ខ្លួនឲ្យស្ថិតក្នុងកម្រិតមួយដ៏សមស្របបាន។
គេបានស្រាវជ្រាវរកឃើញថារាងកាយរបស់មនុស្សយើង នៅពេលគ្រប់គ្រងអាហារវាបង្កឲ្យកើតការប្រែប្រួលខាងអ័រម៉ូនឡើង ហើយទៅប្រមូលផ្តុំគ្នាធ្វើឲ្យរាងកាយជំរុញ ការផលិតខ្លាញ់ឡើងមកជំនួសវិញ។ ដូច្នេះមធ្យោបាយដោះស្រាយបញ្ហា គឺត្រូវការពារមិនឲ្យកើតការប្រែប្រួលនៃអ័រម៉ូនឡើងមកបានដែលអាចធ្វើទៅបាន មានការវះកាត់តែប៉ុណ្ណោះ។
វេជ្ជបណ្ឌិតនៃសកលវិទ្យាល័យខាងលើ បានបរិយាយឲ្យស្តាប់ថាប្រសិនបើទម្ងន់ខ្លួនរបស់យើងចាប់ផ្តើមថយចុះដោយការបរិភោគកាត់បន្ថយការសាងកាល់ឡូរី ឲ្យចុះទាបនៅពេលណារាងកាយនឹង គិតថាកើតភាពអត់ឈ្លានឡើង ហើយសម្រួលខ្លួនឲ្យនៅក្នុងសភាវះគ្រោះអាសន្នប្រញាប់សន្សែសន្សំ ខ្លាញ់ទៅតាមដែលអាចធ្វើបាន។ ដូច្នេះ នៅពេលយើងកាត់បន្ថយទម្ងន់ប្រៀប ស្មើបានថាយើងកំពុងតែធ្វើការតស៊ូជាមួយ នឹងរាងកាយខ្លួនឯងយ៉ាងដូច្នោះដែរ។ លោកវេជ្ជបណ្ឌិតពោលទៀត ថាការវះកាត់គឺ ជាមធ្យោបាយតែមួយគត់ក្នុងបច្ចុប្បន្ន ដែលអាចដោះស្រាយបញ្ហា រោគធាត់នេះបាន។ ក្នុងនោះមិនត្រឹមតែជួយឲ្យយើងមានទម្ងន់ស្រក តែប៉ុណ្ណោះទេ តែថែមទាំងជួយកាត់បន្ថយបរិមាណដែល យើងទទួលទានបានទៀតផង។
ដោយហេតុផលនេះហើយទើប មិនបង្កឥ្យកើតមានការប្រែប្រួលនៃ អ័រម៉ូនមិនធ្វើឲ្យមានអារម្មណ៍ ឃ្លានមិនឈប់ទើបជួយឲ្យរក្សាទម្ងន់ខ្លួនឯងទុកបានដោយងាយនោះឯង៕
មតិយោបល់