សិក្សា៖ ក្រុមអ្នកស្រាវជ្រាវលើភពព្រះអង្គារ ជាពិសេសគឺអង្គការណាសា បាននិយាយថា កាលពីរាប់លានឆ្នាំមុន នៅលើភពព្រះអង្គារមានវត្តមានប្រភពទឹក ប៉ុន្តែនៅពេលនេះ ការស្រាវជ្រាវថ្មីបានរកឃើញថា មានលំហូរទឹកនៅលើភពព្រះអង្គារ ដែលលំហូរទឹកនោះទឹកតែកើតមាននាពេលថ្មីៗនេះ។
ក្រុមអ្នកវិទ្យាសាស្ត្រនៃសកលវិទ្យា Georgai Institute of Technologu បានរកឃើញថាផ្ទាំងដ៏ខ្មៅងងឹតនៅលើជម្រាល Martian ដែលមានស្នាមដូចម្រាមដៃគឺជាសញ្ញាណបញ្ជាក់ថានៅភពព្រះអង្គារមានប្រភពទឹក ដែលទើបនឹងហូតកាត់កាលពីថ្មីៗ។
ការសិក្សានេះក៏ត្រូវបានចុះផ្សាយកាលពីថ្មីៗនេះផងដែរ ដើម្បីបញ្ជាក់ឲ្យឃើញថាប្រភពទឹកនៅលើភពព្រះអង្គារមិនមែនមានតែក្នុងអតីតប៉ុណ្ណោះទេ នៅពេលនេះក៏មានផងដែរ។ កាលពីឆ្នាំ ២០១១ ក្រុមអ្នកវិទ្យាសាស្ត្រនេះក៏បានរកឃើញផងដែរថា បច្ចុប្បន្ននៅលើភពព្រះអង្គារមានប្រភពទឹក ព្រោះតាមរយៈរូបថតដែលថតបានដោយការ HiRiSE របស់ណាសានៅលើគន្លងភពព្រះអង្គារដើម្បីឈ្លបយកការណ៍ក៏បានបង្ហាញស្នាមខ្មៅដូចម្រាមដៃនេះផងដែរ ព្រោះរដូវកាលដែលឃើញស្នាមខ្មៅនេះគឺដូចគ្នា។
ក្រុមអ្នកវិទ្យាសាស្ត្រក៏បានបញ្ជាក់ផងដែរថា បើសិនជានៅលើភពព្រះអង្គារមានប្រភពទឹកមែននោះ ទឹកដែលមានគឺអាចផឹកបាន។
គួរបញ្ជាក់ផងដែរថា នៅពេលនេះ ក្រុមអ្នកវិទ្យាសាស្ត្ររបស់ណាសាកំពុងខិតខំស្រាវជ្រាវទៅលើភពព្រះអង្គារ ដើម្បីបង្ហាញថាវាមានប្រភពទឹក និងមានជីវិតរស់នៅ៕
មតិយោបល់