SFTM Changchun Fengyue Co ដែលជាក្រុមហ៊ុនផលិតរថយន្តមួយបង្កើតឡើងដោយកាចូលភាគហ៊ុនគ្នារវាងក្រុមហ៊ុនផលិតរថយន្តចិន FAW និងក្រុមហ៊ុនផលិតរថយន្តជប៉ុន Toyota នឹងធ្វើការប្រមូលរថយន្តម៉ាក Prius នៅក្នុងប្រទេសចិន។
យោងតាមការចុះផ្សាយរបស់ទីភ្នាក់ងារសារព័ត៌មានចិន ស៊ិនហួ បានឲ្យដឹងថា រថយន្តម៉ាក Prius ប្រមាណជា ៣.២១០គ្រឿងនៅក្នុងប្រទេសចិននឹងត្រូវប្រមូលដោយសារតែមានបញ្ហាលើកម្មវិធីបញ្ជា។
យោងតាមការចុះផ្សាយបានឲ្យដឹងថា រថយន្តដែលត្រូវប្រមូលនោះគឺជារថយន្តដែលចេញពីរោងចក្រនៅចន្លោះថ្ងៃទី២០ខែធ្នូ ឆ្នាំ ២០១១ ដល់ថ្ងៃទី២៨ខែមករា ឆ្នាំ ២០១២។
សេចក្ដីថ្លែងការណ៍របស់ក្រុមហ៊ុនបានឲ្យដឹងថា បញ្ហាទៅលើការបញ្ជានេះអាចបង្ករជាបញ្ហាធ្ងន់ធ្ងរដល់អ្នកដំណើរ ព្រោះអាចគាំងមិនដំណើរការម៉ាស៊ី ឬប្រព័ន្ធសុវត្ថិភាពទៀត ដែលជាហានិភ័យមួយ។ សម្រាប់បញ្ហានេះ ខាងក្រុមហ៊ុននឹងធ្វើការជួលជុលដោយមិនគិតថ្លៃ។
បូករួមបន្ថែមទាំងការប្រកាសប្រមូលរថយន្តម៉ាក Prius នៅពេលនេះ ក្រុមហ៊ុន Toyata បានប្រមូលរថយន្តម៉ាក Prius ទូទាំងពិភពលោកចំនួន ១,៩លានគ្រឿង ក្នុងករណីបែបនេះ៕
មតិយោបល់