ងាកចេញពីតារាសម្តែង ដែលកំពុងមានភាពល្បីល្បាញ ដោយហក់លោត មកជ្រកកោន ក្នុងងារជាតារាចម្រៀងប្រចាំផលិតកម្ម ភ្លេងរីខដស៍ ដែលជាផលិតកម្ម កូនពៅរបស់ហង្សមាស គៀត សុវណ្ណាឡាង ហាក់ដូចជាគ្មានសញ្ញាណាមួយ សបញ្ជាក់ថានឹងហក់ស្ទុះទៅមុខឡើយ ។
គៀត សុវណ្ណាឡាង កាលពីខ្លួនសម្តែងក្នុងរឿង “ទឹកចិត្តបងស្រី” របស់ស្ថានីយ៍ទូរទស្សន៍ ស៊ីធីអិន គេសង្កេតឃើញថា ប្រជាប្រិយភាពរបស់នាង ពិតជាគរកៀរ ក្នុងចំណោមតារាសម្តែងល្បីៗនានា បើទោះបីជាពេលនោះនាង ជាតារាសម្តែងស្រករ ក្រោយក៏ដោយ ។ កំពុងតែមានយីអ៊ុនឡើង ក្នុងអាជីពជាតារាសម្តែង សុខៗ គៀត សុវណ្ណាឡាង បានហក់លោតប្តូរអាជីព មកជាតារាចម្រៀងវិញ ដែលធ្វើឲ្យអ្នកគាំទ្រមួយចំនួន ធំ សប្បាយអរ និងមួយចំនួនទៀត ខ្លាចបំណងប្រាថ្នារបស់នាងមិនសមបំណង ។
ជ្រកក្នុងផលិតភ្លេង រីខដស៍ បើទោះបីជាមានបទចម្រៀង ក្តី និងចេញជាហូរហែរ តែបទទាំងនោះ ដូចជាគ្មានលេចសញ្ញាណាមួយ ឲ្យពុះកញ្ជ្រោល ជ្រោង កេរ្តិ៍ឈ្មោះរបស់នាង ឲ្យស្ទុះឡើងឡើយ ។ បទចម្រៀង របស់ គៀត សុវណ្ណា ដែលចេញលក់នៅលើទីផ្សារ ក្នុងនោះរួមមានបទ “ល្ងង់ៗទើបមិនឈឺចាប់” បទ “មនុស្សរឿងច្រើន” បទ ”ចង់ធ្វើសង្សារគ្នាម្តងទៀត” និងមានបទជាច្រើនទៀត តែបទទាំងនោះ បើទោះបីជាមានសាច់ភ្លេងពិរោះ និងទឹកដមសំនៀង នាងគ្រាន់បើ តែដូចជាមិនអាច ទំលាយទីផ្សារបានឡើយ ។
ទន្ទឹមជាមួយនឹងគ្នានេះដែរ អ្នកគាំទ្ររបស់ គៀត សុវណ្ណាឡាង ដែលធ្លាប់តាមដានការសម្តែងរបស់នាង កន្លងមក គេនៅតែចង់ឃើញ នាងល្បីក្នុងអាជីពជាតារាចម្រៀងដូចកាលពីប៉ុន្មានឆ្នាំមុន ក្នុងឈុតសម្តែង រឿងភាគរបស់ស្ថានីយ៍ទូរទស្សន៍ ស៊ីធីអិន នោះ ។តែទោះជាយ៉ាងណា មតិមហាជន ជាច្រើនបានយល់ឃើញថា ប្រសិនបើ ឆ្នាំ ២០១៤ នេះ គៀត សុវណ្ណាឡាង នៅតែគ្មានសញ្ញាណាមួយ ដែលលេចជាដុំកំភួន ឬល្បីក្នុងលក្ខណៈ ធនកណ្តាល ដែលជាភាពល្បីស៊ីបានយូរនោះ នាងអាចនឹងប្រឈមមុខ រឿងដ៏ធំ ដល់ថ្នាក់នឹងអាចចាកចេញពីពិភពចម្រៀងក៏ថាបានដែរ។
ដោយចង់ដឹង មតិពិតចំពោះអ្នកដែលធ្លាប់បានតាមដាន និងគាំទ្រ គៀត សុវណ្ណាឡាង កន្លងមក លោក សុភណ្ឌ ដែលជាអ្នកធ្វើការ ក្នុងក្រុមហ៊ុនលក់បារី ដាវីដូហ្វ បានឲ្យដឹងថា “ខ្លួនធ្លាប់បានមើលការសម្តែងរបស់ គៀត សុវណ្ណាឡាង ក្នុងរឿង ទឹកចិត្តបងស្រី ពិតជាល្អឥតខ្ជោះ។ក៏ប៉ុន្តែពេលនាងងាក មកចាប់អាជីពជាតារាចម្រៀង លោក នៅតែតាមដាន តែធ្វើឲ្យការតាមដានរបស់លោក ដូចជាមិនសូវគ្មានន័យ ព្រោះ ថាខុសពីគិតទុក ដោយគៀត សុវណ្ណាឡាង មិនលោតហោះទៅមុខសោះឡើយ” ។
ដោយឡែក លោក រិនដា ដែលជាអ្នក គាំទ្រនាងដូចគ្នា ក៏សម្តែង មតិឲ្យដឹងថា ”គាត់ក៏ចង់ឃើញនាងល្បី ដូចកាលពីប៉ុន្មានឆ្នាំមុន ផងដែរ ដោយមិនចង់ឃើញស្ថានភាពកេរ្តិ៍ឈ្មោះរបស់នាង ដូចចោរលួចសេះនោះ ទេ បើទោះបីជាមានបទចម្រៀងចេញជាហូរហែរក្តីនោះ”៕
ទស្សនា និងស្តាប់បទចម្រៀង គៀត សុវណ្ណាឡាង ដូចខាងក្រោមនេះ៖
បទចម្រៀង “ចង់ធ្វើសង្សារគ្នាម្តងទៀត” ៖
បទចម្រៀង “ល្ងង់ៗទើបមិនឈឺចាប់” ៖
បទ “មនុស្សរឿងច្រើនដែលស្រលាញ់បង” ៖
https://i1272.photobucket.com/albums/y389/domneng/2013-04/Lingering/Sovanlang3_zps51258b8f.jpg
https://i1272.photobucket.com/albums/y389/domneng/2013-04/Lingering/Sovanlang4_zps54ec5c09.jpg
https://i1272.photobucket.com/albums/y389/domneng/2013-04/Lingering/Sovanlang1_zps595dc942.jpg
https://i1272.photobucket.com/albums/y389/domneng/2013-04/Lingering/Sovanlang2_zps6cd3015f.jpg
មតិយោបល់