ដោយសារតែញៀននឹងការវះកាត់ដាក់ប្លាស្ទិច នាង Monique Allen វ័យ ៥៨ ឆ្នាំ ជនជាតិអាមេរិក ប្រឈមមុខនឹងផលវិបាកធ្ងន់ធ្ងរក្នុងពេលបច្ចុប្បន្ននេះ។ យោងតាមប្រភពព័ត៌មានបរទេសនានាបានឲ្យដឹង Monique ជាអតីតអ្នករបាំរស់នៅក្នុងរដ្ឋ California សហរដ្ឋអាមេរិក ហើយកាលពីនាងមានអាយុ ២៣ ឆ្នាំបានចាប់ផ្តើមធ្វើការវះកាត់ដើម្បីផ្លាស់ប្តូរទៅជាយេនឌ័រ។ ចាប់តាំងពីពេលនោះមក នៅក្នុងការបន្តកែប្រែសម្ជស្សដើម្បីឲ្យខ្លួនឯងកាន់តែស្រស់ស្អាតអស់រយៈពេល ៣៥ ឆ្នាំ នៅលើរាងកាយរបស់នាងស្ទើរតែត្រូវបានផ្លាស់ប្តូរទាំងអស់។ Monigue បាននិយាយថាបំណងប្រាថ្នារបស់នាងគឺធ្វើការវះកាត់ដើម្បីឲ្យក្លាយទៅជានារីម្នាក់ដែលស្រស់ស្អាតបំផុត។ ទោះបីជាមានអ្នកណែនាំមិនឲ្យធ្វើការវះកាត់ និងប្រើប្រាស់គ្រឿងសំអាងខុសច្បាប់ក៏ដោយ ក៏នាងនៅតែមិនខ្វល់ដែរ។ គួរឲ្យសោកស្តាយ នៅពេលបច្ចុប្បន្ននេះនាង Monique មិនអាចបន្តមានស្រស់ស្អាតទៀតទេ ព្រោះជើងរបស់នាងបានធ្លាយសារធាតុរាវដែលមាននៅក្នុងស៊ីលីកូន ធ្វើឲ្យនាងមិនអាចដើរបានរហូត៕
មតិយោបល់