យោងតាមគេហទំព័រ WIKI PEDIA បានឲ្យដឹងថា ពហុកីឡដ្ឋានជាតិអូឡាំពិក បានរួមចំណែកតូចមួយក្នុងការប្រកួតបាល់ទាត់ពានរង្វាន់ពិភពលោកឆ្នាំ ១៩៦៦ (1966 FIFA World Cup) នៅក្នុងការប្រកួតជម្រុះរវាង កូរ៉េខាងជើង និងអូស្ត្រាលី។
នៅពេលនោះ ទំនាក់ទំនងអន្តរជាតិរបស់កូរ៉េខាងជើងជាមួយប្រទេសភាគ ច្រើនមិនសូវល្អ គេមានការលំបាកយ៉ាងខ្លាំងក្នុងការរកទីកន្លែងប្រកួតឲ្យបានសមស្រប។ ឃើញដូច្នេះ ប្រមុខរដ្ឋសម្ដេចនរោត្តម សីហនុ ដែលជាមិត្តដ៏ជិតស្និទ្ធជាមួយមេដឹកនាំកូរ៉េខាងជើង លោកគីម អ៊ីលស៊ុង បានស្នើ ថាការប្រកួតនេះ អាចធ្វើនៅភ្នំពេញបាន។ ក្រោយមក សុំណើនេះក៏ត្រូវបានយល់ព្រម ហើយការប្រកួតក៏បានធ្វើឡើងតាមការកំណត់ ដោយ មានទស្សនិកជនបាន ៤ម៉ឺននាក់ចូលរួមទស្សនា ក្នុងនោះ មានពាក់កណ្ដាលគាំទ្រអូស្ត្រាលី ហើយពាក់កណ្ដាលទៀតគាំទ្រកូរ៉េខាងជើង។
ការប្រកួតប្រព្រឹត្តទៅ ២ថ្ងៃ គឺនៅថ្ងៃទី ២១ វិច្ឆិកា ១៩៦៥ ដែលលទ្ឋផលអូស្ត្រាលីឈ្នះ ៦ទល់១ និង នៅថ្ងៃទី ២៤ វិច្ឆិកា ១៩៦៥ ដែលកូរ៉េខាងជើងឈ្នះ៣ទល់១។ កូរ៉េខាងជើងបានជាប់ឡើងទៅប្រកួតជាមួយអ៊ីតាលីនៅវគ្គប្រកួតវិលជុំ។ កូរ៉េខាងជើងបានឈ្នះអ៊ីតាលីទៀត ហើយឡើងទៅប្រកួតជាមួយព័រទុយហ្គាល់នៅវគ្គមួយភាគបួនផ្ដាច់ព្រាត់ តែចាញ់ព័រទុយហ្គាល់នៅពេលនោះទៅ។
នៅវគ្គផ្ដាច់ព្រ័ត្រ អង់គ្លេសត្រូវជួបជាមួយនឹងអាល្លឺម៉ង់ ចប់ការប្រកួតលទ្ធផលអង់គ្លេសឈ្នះ អាល្លឺម៉ង់ ៤ទល់២៕
មតិយោបល់