មនុស្សស្រីភាគច្រើនស្អប់រោម ឬពុកមាត់ដុះនៅលើផ្ទៃមុខ តែចំពោះក្មេងស្រីម្នាក់ដែលមានវ័យ ២៣ ឆ្នាំរស់នៅក្នុងទីក្រុង Slough ប្រទេសអង់គ្លេសបានដុះពុកមាត់ច្រើនជាងបុរសៗមួយចំនួនទៀត។ តាមប្រភពព័ត៌មានបរទេសនានាបានឲ្យដឹងថា ក្មេងស្រីម្នាក់នេះឈ្មោះ Harnaam Kaur មានជម្ងឺក្រពេញអូវែដែលបណ្តោលឲ្យមានរោមជាច្រើនដុះនៅលើមុខខុសប្រក្រតី។ នៅអាយុ ១១ ឆ្នាំរោមនៅលើផ្ទៃមុខរបស់នាងចាប់ផ្តើមលេចឡើង បន្ទាប់ក៏ចាប់ផ្តើមរីករាលដាលរហូតដល់ទ្រូង និងដៃ។
ដោយសារតែមានរោមខុសប្រក្រតីបែបនេះធ្វើមនុស្សជាច្រើនមានការរើសអើង រួមទាំងមិត្តរបស់នាងក៏មានការចំអកឡក់ឡឺយឲ្យដែរ។ ចាប់តាំងពីនាងមិនបានកោរពុកមាត់ចេញមនុស្សជាច្រើនច្រឡំថានាងគឺជាមនុស្សប្រុស ។ ទោះបីជាយ៉ាងណានាងមិនខ្មាស់អៀនចំពោះរឿងនេះឡើយ ប៉ុន្តែផ្ទុយទៅវិញនាងមានអារម្មណ៍ថាបែបនេះគឺជារឿងដែលគួឲ្យចាប់អារម្មណ៍៕
មតិយោបល់