ភ្នំពេញ៖កាលពីវេលាម៉ោង ១២ និង ១៥ នាទី រំលងអធ្រាត្រ ឈានចូលថ្ងៃទី ៣ ខែ ឧសភា ឆ្នាំ ២០១៤ មានអំពើហិង្សាមួយ បានកើតឡើងនៅចំណុចមុខផ្ទះលេខ ៣២ ផ្លូវ ៤៨៨ ក្រុម ២៤ ភូមិ ៣ សង្កាត់ផ្សារដើមថ្កូវ រាជធានីភ្នំពេញ។
ជន សង្ស័យ ឈ្មោះ អ៊ន អេង អាយុ ២៥ ឆ្នាំ ជាអ្នករត់រ៉ុម៉ក នៅភូមិឃុំខាងលើ ដែលជាអ្នកបង្កហិង្សាធ្វើឲ្យ ជនរងគ្រោះ ផន ឃា ភេទប្រុស អាយុ៣១ឆ្នាំ ស្នាក់នៅផ្ទះលេខ២៣ ផ្លូវលេខ៣៧៦ សង្កាត់បឹងកេងកងទី៣ ខណ្ឌចំការមន មុខរបរជាអ្នកដឹកហ្គាសដាក់ឲ្យម៉ូយ របួសដេកពេទ្យ ។
បើតាមសាក្សី នៅកន្លែងហេតុ បានឲ្យដឹងថា មុនពេលកើតហេតុ ជនរងគ្រោះ ឈ្មោះ ផន ឃា បានជិះម៉ូតូឌុបមិត្តភក្តិ និងម្នាក់ទៀត ជិះម៉ូតូផ្សេងគ្នា ។ មកដល់ចំណុចកើតហេតុខាងលើ ក៏បបួលគ្នាផឹក ស្រានៅជិតផ្ទះរបស់ខ្លួន និងបានទៅទិញសុរាបន្ថែមតែអ្នកលក់ថាគ្មាន ។ ពេលនោះ ជនសង្ស័យ បានមកជិត ហើយច្រៀងឌឺដង និងសំឡឹងមុខ ជនរងគ្រោះស្ទើរស៊ីសាច់ហុតឈាម ។ ភ្លាមៗនោះជនសង្ស័យ បានដកកាំបិទមុខស្រួច ដេញចាក់ជនរងគ្រោះ ត្រូវចំនួន ៣ កាំបិត ដោយ ១ កាំបិទ ចាក់ចូលដើមទ្រូង និង ២ កាំបិទទៀត ត្រង់គុម្ពត្រចៀក ហូរឈាមស្រោចពេញខ្លួន។
ក្នុងហេតុការណ៍នោះ ជនរងគ្រោះបានស្រែកឲ្យគេជ័យ ហើយមិតភក្តិដែលនៅជិតនោះ បានជួយ ដឹកបញ្ចូនទៅកាន់ពេទ្យរុស្ស៊ី ខណៈដែលជនបង្កហិង្សារត់ពួនក្នុងបន្ទប់ ។ ក្រោយមកក៏លេចមុខ សមត្ថកិច្ចចុះមកឃាត់ខ្លួន ជនសង្ស័យខាងលើ តែគេនៅមិនទាន់ដឹង ពីមូលហេតុបង្កហេតុនៅឡើយនោះទេ៕
មតិយោបល់