បវរកញ្ញា Genesis Carmona របស់ព្រឹត្តិការណ៍ Miss Carabobo Tourism 2013 ត្រូវបានគេបាញ់សំលាប់ បន្ទាប់ពីការតវ៉ាប្រឆាំងនៅតាមផ្លូវ ក្នុងអាយុ ២២ ឆ្នាំ ។
សារព័ត៌មាន នៅសាធារណ:រដ្ឋ វេណេហ្ស៊ុយអេឡា ដែលចុះផ្សាយ កាលពីថ្ងៃទី ១៩ ខែ កុម្ភ: ឆ្នាំ ២០១៤ ម្សិលមិញនេះបានឲ្យដឹងថា បវរកញ្ញា Genesis Carmona ត្រូវបានគេបាញ់សំលាប់ បន្ទាប់ពីមានការតវ៉ាប្រឆាំងនៅតាមផ្លូវ ក្នុងប្រទេសនេះ ។ រឿងរ៉ាវនេះដែរ វាកើតឡើងចេញពីកុបកម្ម រវាគណបក្សប្រឆាំង ជាមួយនឹងរដ្ឋាភិបាលកាន់អំណាច នៅទីក្រុង Valencia រដ្ឋ Carabobo នៅសាធារណ:រដ្ឋ វ៉េណេហ្សូឡា។
ភ្លាមនោះ បវរកញ្ញារូបនេះ ត្រូវបានគេបញ្ចូនទៅកាន់មន្ទីរពេទ្យភ្លាម តាមរយ:ម៉ូតូ តែគួរឲ្យសោកស្តាយ ក្រោយពីការវះកាត់ និងជ្រំជ្រែងពីគ្រូពេទ្យ អស់ពីសមត្ថភាព តែ មិនអាចសង្គ្រោះនាងបាន ឡើយ ដោយលាចាកលោកនេះតែម្តងទៅ ។
បវរកញ្ញា Genesis Carmona វ័យ ២២ ឆ្នាំ ឈានចូលឆ្នាំថ្មី នាងជាបវរកញ្ញា ទេសចរណ៍ ក្នុងរដ្ឋ Carabob នាឆ្នាំ ២០១៣ ដែលធ្វើឡើងកាលពីខែ ឧសភា ។ ស្រីស្រស់ដែលលាចាកលោកនេះបានបញ្ចប់បរិញ្ញាប័ត្រ សង្គមវិទ្យាសាស្ត្រ និងជំនាញទីផ្សារ នៅ Unitec ហើយនាងក៏ជាតារាម៉ូដែលអាជីពម្នាក់ផងដែរ។
សូមបញ្ជាក់ផងដែរថា សម្រាប់សាធារណ:រដ្ឋវេណេហ្ស៊ុយអេឡា នៅតែជារឿងគួរឲ្យភ័យខ្លាចរបស់សាធារណ:ជន ខណ:បក្សកាន់អំណាច និង បក្សប្រឆាំង រករឿងគ្នា មិនចេះចប់មិនចេះហើយនោះ ៕
មតិយោបល់