Facebook សុខចិត្តចំណាយ ១៩ពាន់លានដុល្លារអាមេរិក ជាសាច់ប្រាក់ និងស្ដុក ដើម្បីទិញ WhatsApp តើហេតុអ្វីបានជា Facebook ចាយលុយច្រើនយ៉ាងនេះ ដើម្បីទិញយកកម្មវិធី WhatsApp? ចម្លើយត្រូវបាន Facebook ឆ្លើយថា ដោយសារតែ WhatsApp មានអ្នកប្រើច្រើន និងកើនឡើងជារៀងរាល់ថ្ងៃ ជាពិសេសគឺមានចក្ខុវិស័យដូចគ្នា។
ប៉ុន្តែបើតាមការចុះផ្សាយនៅថ្ងៃនេះ ដោយសារព័ត៌មាន Bloomberg បានឲ្យដឹងថា ក្រុមហ៊ុន Google ក៏បានធ្លាប់បានចរចាទិញ WhatsApp ផងដែរ ប៉ុន្តែឲ្យតម្លៃមិនដល់។ ប្រភពដដែលបានបញ្ជាក់ថា Google បានឲ្យ WhatsApp តម្លៃ ១០ពាន់លានដុល្លារអាមេរិក ប៉ុន្តែត្រូវបាន WhatsApp ច្រានចោលមិនព្រមទទួលយក។ ហេតុផលដែលមិនព្រមទទួលយកទី១គឺទំហំទឹកប្រាក់មិនគ្រប់គ្រាន់តាមការចង់បានរបស់ WhatsApp ទី២ មកពី Google មិនព្រមអនុញ្ញាតឲ្យលោក Jan Koum សហស្ថាបនិក និងជានាយកប្រតិបត្តិ WhatsApp អង្គុយនៅក្នុងកៅអ៊ីសមាជិកក្រុមប្រឹក្សាភិបាល Google។
មូលហេតុទាំងនេះហើយទើបធ្វើឲ្យ Facebook ចំណាយលុយរហូតដល់ ១៩ពាន់លានដុល្លារអាមេរិកក្នុងទិញ WhatsApp និងផ្ដល់ឲ្យលោក Jan Koum មានតំណែងនៅក្នុងសមាជិកក្រុមប្រឹក្សាភិបាល៕
មតិយោបល់