ម៉ិកស៊ីកូ៖ ស្ដេចថ្នាំញៀនរបស់ម៉ិកស៊ិក លោក Joaquin Guzman ហៅក្រៅ El Chapo ត្រូវបានចាប់ខ្លួនកាលពីយប់ម្សិលមិញនេះ នៅក្នុងសណ្ឋាគារមួយកន្លែងក្នុងតំបន់ Mazatlan ប្រទេសម៉ិកស៊ិក។ នេះបើយោងតាមការចុះផ្សាយារបស់ CNN។
ក្រោមកិច្ចសហប្រតិបត្តិការរវាងអាជ្ញាធររបស់ប្រទេសម៉ិកស៊ិក និងសហរដ្ឋអាមេរិក ឈានដល់ការចាប់ខ្លួនរបស់លោកស្ដេចថ្នាំញៀននេះក្នុងបន្ទប់សណ្ឋាគារមួយកន្លែងជាមួយនឹងស្ត្រីម្នាក់។ El Chapo ត្រូវបានប្រកាសចាប់ខ្លួនអស់រយៈពេលជាច្រើនឆ្នាំមកហើយ ប៉ុន្តែដំណឹងរបស់ស្ដេចថ្នាំញៀនរូបនេះមិនត្រូវលេចឮឡើយ រហូតដល់មានពាក្យចចាមអារ៉ាមមួយចំនួនបាននិយាយគេចេះបំបាំងខ្លួន។
បើតាមការបញ្ជាក់ពីអាជ្ញាធរ Joaquin Guzman មិនត្រឹមតែជាស្ដេចថ្នាំញៀនប្រចាំប្រទេសម៉ិកស៊ិកប៉ុណ្ណោះទេ គេថែមទាំងជាស្ដេចថ្នាំញៀនមួយរូបដែលមានឈ្មោះល្បីនៅក្នុងពិភពថ្នាំញៀនទៀតផង រហូតដល់គេដាក់នាមឲ្យថា ជាបុរសខ្លាំងខាងថ្នាំញៀន៕
មតិយោបល់