អង់គ្លេស៖កីឡាករ Daniel Sturridge និង Jordan Henderson ដោយអ្នកទាំងពីរជាអ្នកដែលរកគ្រាប់បាល់ធ្វើឲ្យ ហង្សក្រហម អាចឈ្នះ ក្លិបក្ងាន Swansea ក្នុងលទ្ធផល ទាំងបុកពោះ ៤-៣ នៅពហុកីឡដ្ឋាន Anfield ។
និយាយពីក្លិប Swansea បើទោះបីជាខ្លួនស្ថិតនៅពាក់កណ្តាលតារាង ក្តី តែរាត្រីយប់មិញនេះបានធ្វើឲ្យម្ចាស់ផ្ទះ ហង្សក្រហម Liverpool បុកពោះ ទទ្រើត ព្រោះតែលទ្ធផល គ្រាប់បាល់ប្រកៀកពេក ។ គ្រាប់បាល់ហង្សក្រហមដែលរកនាំមុខភ្ញៀវដោយកីឡាករ Daniel Sturridge នៅនាទី ៣ និង ៣៦ ហើយកីឡាករ Jordan Henderson ក៏រកបានពីរគ្រាប់ដូចគ្នា នៅនាទី ២០ និង ៧៤ ដែលជាអ្នកជួយឲ្យហង្សក្រហមឈ្នះ ។ ដោយឡែក ៣ គ្រាប់របស់ក្លិប ក្ងាន រកបានដោយកីឡាករ Shelvey នៅនាទី ២៣ និង Bony នៅនាទី ២៧ និង ប៉េណ័លទី នៅនាទី ៤៧។
ការប្រកួតរបស់ក្លិបទាំងពីរ រាត្រីយប់មិញនេះ ពិតជាការប្រកួតមួយដ៏ល្អមើលបំផុត ដែលធ្វើឲ្យអ្នកគាំទ្រទាំងសងខាង បុកពោះ ភ័យអរជំនួស ក្លិបដែឡខ្លួនគាំទ្រ ។
លទ្ធផល ឈ្នះ ៤-៣ របស់ហង្សក្រហម បានធ្វើឲ្យក្លិបមួយនេះ រក្សាជំហរលេខរៀងទី ៤ ក្នុងចំណោម ២៧ ប្រកួត មាន ៥៦ ពិន្ទុ ៕
ទស្សនាវីដេអូឃ្លិបដូចខាងក្រោមនេះ៖
មតិយោបល់