បើយោងតាមកាសែតរបស់ចក្រភពអង់គ្លេស បាននិយាយថា តារាចម្រៀង ក្រុម One Direction លោក Harry Styles និង តារាសម្តែង Kendall Jenner ប្អូនស្រីរបស់ នាង kim kardashian បានបញ្ចប់ទំនាក់ទំនងស្នេហាផ្អែមល្អែម ដែលសាងរួមគ្នារយៈពេល ៤ ទៅ ៥ ខែ កន្លងមកនេះ។
របាយការណ៍ខាងលើ បានបន្តថា Harry Styles និង តារាសម្តែង Kendall Jenner វ័យ ១៨ ឆ្នាំ បានបែកគ្នា ដោយ អ្នកទាំងពីរងាកមកផ្តោតលើអាជីព វិញ ។ ដោយឡែករបាយការណ៍របស់ ទំព័រ The Sun វិញ បានឲ្យដឹងថា Kendall នៅពេលនេះកពុងផ្តោតលើអាជីពជាតារាម៉ដែល របស់នាង និង Harry កំពុងរៀបចំអាលប៊ុមថ្មីរបស់ពួកគេ ។ ដោយសារតែបញ្ហារៀងៗខ្លួន មិនអាច ឲ្យភាពផ្អែមល្អែមគ្នា បានពូកគេក៏បានសម្រេចចិត្តបែកគ្នា តែម្តង ។
សូមបញ្ជាក់ផងដែរថា អ្នកទាំងពីរបានទាក់ទងគ្នា កាលពីខែ វិច្ឆិកា កន្លងទៅ នេះ ដោយជួបគ្នា នៅ ឡូអេនជើឡេស ខណៈដែលនាំគ្នាជិះស្គីនៅថ្ងៃបុណ្យ Chrismas នោះ ។ តែទោះជាយ៉ាងណា បន្ទាប់ពីពុះជ្រៀកផ្លូវស្នេហារៀងខ្លួនៗ នោះពួកគេក៏នៅតែជាមិត្តល្អនឹងគ្នា ដដែល៕
មតិយោបល់