ដោយសារតែភាពតប់ប្រមល់នៅក្នុងចិត្ត ឬកាគិតច្រើនអ្នក ធ្វើឲ្យអារម្មណ៍របស់លោកអ្នកវិលវល់គេងក៏មិនលក់បក់ក៏មិនល្ហើយ។ ការធ្វើបែបនេះយូរៗទៅអាចធ្វើឲ្យរាងកាយរបស់អ្នកមានភាពចុះខ្សាយដោយងាយ ហេតុនេះហើយអ្នគួរតែបរិភោគអាហារមួយណាដែលប៉ូវដល់សុខភាពព្រមទាំងអារម្មណ៍របស់អ្នកឲ្យស្រស់ស្រាយឡើងវិញ។ តាមអ្នកជំនាញបង្ហាញថាការបរិភោគស៊ុបឆ្អឹងជំនី លាយជាមួយនឹងគ្រាប់ឈូកស្រស់ អាចជួយឲ្យអ្នកមានសុខភាពល្អ ហើយមានសារធាតុចិញ្ចឹមដែលជួយដោះស្រាយបញ្ហគេងមិលក់ថែមទៀត។
គ្រឿងផ្សំ៖
គ្រាប់ឈូកស្រស់ ១៥០ ក្រាម
ដំឡូង ២០០ ក្រាម
ឆ្អឹងជំនីសត្វ ៥០០ ក្រាម
គ្រឿងទេសផ្សេងៗ
របៀបធ្វើ
– ឆ្អឹងជំនីគួរតែកាប់ប្រវែង ៥ សង់ទីម៉ែត្រ រួចដាំទឹកឲ្យពុះបានប្រហែលជា ៣ នាទី ដាក់សាច់ម្តងមួយដុំៗ ចូលកុំឲ្យដោយទឹកឈាមព្រោះមានក្លិនច្អាប។
– បកសំបកគ្រាប់ឈូកស្រស់ទាំងនោះ តែកុំយកបណ្តូលចេញ។
– យកគ្រាប់ផ្កាឈូកមកត្រាំទឹកក្តៅប្រហែលជា ១ នាទី។
– ដំឡូងកាត់ជាដុំៗ ៥ សង់ទីម៉ែត្រ សូម ឆ្អឹងជំនីដែរ។ បន្ទាប់មកយកវាត្រាំក្នុងទឹកក្តៅ ឬទឹកអំបិលដើម្បីជៀសវាងការនៅជាប់ជ័រ។
– រង់ចាំរហូតដល់ការរំងាស់ឆ្អឹងជំនីពុះបានប្រហែលជា ១៥ នាទី ទើបដាក់គ្រាប់ឈូកចូល។
– ចាប់ផ្តើមដាក់គ្រឿងទេសចូល។
– ដើម្បីឲ្យស៊ុបកាន់តែមានក្លិនឈ្ងុយនោះអ្នកគួរតែ ហាន់ជីល្អិតៗរោយពីលើ៕
ចុចទីនេះមើលប្រភពដើម www.mungkulkar.com សហការជាមួួយនឹងដំណឹង
មតិយោបល់