ថៃ៖របាយការណ៍ចុះផ្សាយនៅថ្ងៃទី ២៧ ខែ កុម្ភៈ ឆ្នាំ ២០១៤ ម្សិលមិញបានឲ្យដឹងថា តារាសម្តែងវ័យ ២៥ ឆ្នាំ នាង Kannapat Worabawormpat ត្រូវបានកម្មករសំណង់មួយ បានវាយប្រហារ និងរំលោភនៅក្នុងផ្ទះរបស់នាង។
ទំព័រ Voice Bangkok ម្សិលមិញនេះបានរាយការណ៍ថា តារាសម្តែង Kannapat Worabawormpat កំពុងសម្រាកនៅក្នុងមន្ទីរពេទ្យ ដោយស្ថានបែកមុខ និងរងរបួសដ៏ធ្ងន់ធ្ងរ។ ផ្ទះរបស់នាងត្រូវបានជនល្មើសចូលទៅលួចរបស់របរ ហើយក៏មានចេតនាចាប់រំលោភ និងវាយដុំលើរូបនាងយ៉ាងព្រៃផ្សៃ។
របាយការណ៍ដកស្រង់សម្តីរបស់ប៉ូលិសនៅតំបន់ Thairath បាននិយយាយថា ឧបទ្ទេវហេតុនេះ បានកើតឡើង នៅផ្ទះរបស់តារាសម្តែង Kannapat ដែលស្ថិតនៅ Nonthaburi ។ ដោយតាមការបរិច្ចេទ កាលពីថ្ងៃទី ២៣ ខែ កុម្ភៈ ខណៈពេលដែលនាងកំពុងតែដេក នាងបានរកឃើញ ថា មានអ្នកផ្សេងចូលទៅក្នុងបន្ទប់របស់នាង ។នៅពេលដែលក្រោកឡើង ក៏បានឃើញបុរសម្នាក់ ពាក់របាំងមុខ ពាក់អាវយឺតពណ៌ខៀវ ដោយបុរសនោះ ស្ថិតនៅក្នុងស្ថានភាពស្រវឹង ហើយក៏មានចេតនាស្រាតសម្លៀកបំពាក់នាង និង រំលោភ វាយដុំលើនាង។
តារាសម្តែងវ័យ ២៥ ឆ្នាំរូបនេះមានការស្លន់ស្លោរយ៉ាងខ្លាំង ដោយស្រែកឲ្យគេជួយ ។ តែឆ្លើយតបនឹងពាក្យឲ្យគេជួយនេះ នាងត្រូវបានជនល្មើសគំរាមសម្លាប់ និងបាន វាយលើមុខ ពោះ និងជើងរបស់នាង ។ ដោយមានឱកាសល្អនាង មានវត្ថុរឹងមួយនៅក្នុងដៃ បានវាយទៅលើបុរសនោះ ហើយ ក៏បានរត់មកក្រោមផ្ទះស្រែកឲ្យគេជួយ។
បើមើលតាមរូបភាព ដែលចាប់ដោយកាមេរ៉ាសុវត្ថិភាពដែលដាក់នៅក្នុងផ្ទះរបស់នាង យើងឃើញថា ខណៈដែលស្រែកឲ្យគេជួយ មុខរបស់នាង ឡើងហើមពោរ ។ ក្រោយមកនាងត្រូវបានអ្នកជិតខាងបញ្ចូនទៅកាន់មន្ទីរពទ្យ Nonthaveij ចូលទៅកាន់បន្ទប់សង្គ្រោះបន្ទាន់ ដោយសារតែបាត់បង់ឈាមច្រើនពេក។
ដោយសារតែមានសភាពធ្ងន់ធ្ងរ និងសតិអារម្មណ៍ មិនសូវជាស្រួល ខាងគ្រូពេទ្យ បាននិយាយថា យ៉ាងណាស់នាងត្រូវចំណាយពេល ៣ ខែ ដើម្បីសម្រាកព្យាបាល ។
និយាយប្រាប់អ្នកសារព័ត៌មាន តារាសម្តែងរូបនេះ បានឲ្យដឹងថា “ខ្ញុំគ្រាន់តែដឹងថា ខ្ញុំសូមអង្វរគាត់ឲ្យដោះលែងខ្ញុំ ប៉ុន្តែគាត់គំរាមសម្លាប់ ម្តងហើយ ម្តងទៀត ដោយសំណាងល្អ ខ្ញុំបានវាយគាត់ឲ្យរងរបួស ហើយសង្ឈឹមថាប៉ូលិសនឹងចាប់ខ្លួនជននេះ ឲ្យបានឆាប់ៗ” ។
ក្រោយពីការស៊ើបអង្កេត ប៉ូលិសក្នុងតំបន់បានចាប់ជនសង្ស័យ វ័យ ២៤ ឆ្នាំ ឈ្មោះ Prajuab Poobualom ដែលជាកម្មករសំណង់ ដែលធ្វើការនៅជិតផ្ទះតារាសម្តែងរូបនេះ ។ នៅថ្ងៃកើតហេតុ ជនសង្ស័យ Prajuab Poobualom បានធ្វើការ និងផឹកស្រវឹង ដោយឃើញសម្រស់ដ៏ស្រស់ផូរផង់របស់ Kannapat Worabawormpat ក៏មានបំណង់ចូលរំលោភតែម្តង។
នៅស្ថានីយ៍ប៉ូលិស ជនសង្ស័យ បានទទួលស្គាល់ ទោសកំហុសរបស់ខ្លួន គាត់បានបន្ថែមទៀតថា ដោយរាត្រីនោះ គាត់បានផ្ទះរបស់នាង មិនចាក់សោរទ្វារ ក៏ចូលទៅធ្វើសកម្មភាពតែម្តង។
ស្រីស្រស់ Kannapat Worabawormpat ជាតារាសម្តែងដ៏ល្បីរបស់ថៃ ដោយនាងធ្លាប់ទទួលបានពានរង្វាន់ KPN Award នឹងលេខមុខតាមស្ថានីយ៍ទូរទស្សន៍ជាច្រើន និងសម្បូរប្រជាប្រិយភាព៕
មតិយោបល់