ពេលដែលអ្នកកំពុងតែមើលទូរទស្សន៍ ឬញ៉ាំអាហារពេលល្ងាចជាមួយគ្នា គឺជាពេលវេលាមួយដែលពោរពេញទៅដោយមនោសញ្ចេតនាបំផុត។ ព្រោះនេះជាពេលដែលមានភាពស្ងប់ស្ងាត់សម្រាប់អ្នកទាំងពីរដែលអាចធ្វើការនិយាយពាក្យពិតដោយស្មោះត្រង់ និងអាចបញ្ចេញនូវអារម្មណ៍ដ៏ជ្រោលជ្រៅចំពោះគ្នាទៅវិញទៅមក។
* ត្រូវប្រាដកថាគ្មានការរំខាន
– អ្នកមិនចង់ឲ្យរាត្រីដ៏សែនរ៉ូម៉េនទិចរបស់ខ្លួន ត្រូវបានបំផ្លាញ់ដោយមិត្តភក្តិ ឬសាច់ញាតិរបស់អ្នកដោយប្រការណាមួយឡើយ។ ប្រសិនបើមានការរំខានមែននោះគម្រោងការរបស់អ្នក និងត្រូវបរាជ័យ ហើយមិនអាចឈានទៅដល់ចំណុចដែលអ្នកទាំងពីរចង់បានដូចគ្នា។
* ដឹងនូវអ្វីដែលដៃគូរបស់អ្នកចង់បាន
– មានសំនួរខ្លះដែលអ្នកចង់សួរខ្លួនឯង តើដៃគូរបស់អ្នកចូលចិត្តអាហារអ្វី? ចង់ញ៉ាំភេសជ្ជៈអ្វី? នៅហាងណាមួយ? ចូលចិត្តស្តាប់បទចម្រៀងអ្វី? អ្នកអាចទៅកន្លែងរ៉ូមែនទិចជាពិសេសណាមួយ នៅថ្ងៃឈប់សម្រាកជាមួយគ្នា ចូលសាកល្បងបង្កើតវាឡើង។ ចូរចងចាំថា ការស្តាបភ្លេងនៅក្រោមពន្លឺភ្លើងពណ៌ជាគន្លឹះដែលធ្វើឲ្យអារម្មណ៍របស់អ្នកទាំងពីរកាន់តែមានភាពរ៉ូមែនទិច។
-នៅពេលដែលគិតដល់រឿងមនោសញ្ចេតនា គ្មានអ្វីល្អជាងការញ៉ាំអាហារពេលល្ងាចក្រោមពន្លឺភ្លើងទៀននោះទេ សំខាន់បំផុតអ្នកត្រូវតែចម្អិនអាហារដោយផ្ទាល់ដៃ និងជ្រើសរើសបទចម្រៀងដែលមានភាពលង្លង់លន្លោចដើម្បីស្តាប់នៅពេលញ៉ាំអាហាររួមគ្នា។
* បង្ហាញថាអ្នកពិតជាស្រឡាញ់គេខ្លាំងណាស់
– ការអង្គុយញ៉ាំអាហារនៅក្រោមពន្លឺភ្លើងទៀន ឬស្តាប់ភ្លេងមិនទាន់គ្រប់គ្រាន់ទេ។ ដើម្បីឲ្យមានភាពភ្ញាក់ផ្អើលមួយទៀត អ្នកគួរតែរៀបចំត្របកផ្កាកុលាបរាយនៅតាមផ្លូវរហូតដល់ក្នុងបន្ទប់ទឹក ឬបន្ទប់គេងរបស់នាងតែម្តង។ រឿងនេះកុំឲ្យនាងដឹងខ្លួនឲ្យសោះ ដើម្បីឲ្យនាងកាន់តែមានភាពភ្ញាក់ផ្អើលក្រោយពីញ៉ាំអាហារនៅក្នុងផ្ទះជាមួយអ្នក។
– ត្រូវចង់ចាំថាភាពរ៉ូមែនទិចបំផុត កើតឡើងនៅពេលយប់ បន្ទាប់ពីសម្រាក់ពីការងារ និងជាពេលដ៏ល្អ ដើម្បីបង្ហាញថាអ្នកពិតជាស្រឡាញ់គេខ្លាំងណាស់៕
ចុចទីនេះមើលប្រភពដើម www.mungkulkar.com សហការជាមួយនឹងដំណឹង
មតិយោបល់