ប៉ូលិសនៅ Agra ក្នុងប្រទេសឥណ្ឌា បាននិយាយថា សត្វសេកដែលចេះនិយាយ បានជួយពួកគេ ឲ្យចាប់បុរសម្នាក់ ដែលបានសម្លាប់ ម្ចាស់បក្សី ។ នេះបើតាមរបាយការណ៍ របស់ Times of India ដែលបានចុះផ្សាយ។
សាកសពរបស់ Neelam Sharma វ័យ ៤៥ ឆ្នាំ ដែលគេស្វែងរកឃើញនៅក្នុងផ្ទះ កាលពីថ្ងៃទី ២០ ខែ កុម្ភៈ កន្លងទៅ ។ ក្នុងនោះ ឆ្កែរបស់ជនរងគ្រោះក៏ត្រូវបានសម្លាប់ផងដែរប៉ុន្តែ Neelam Sharma បានចិញ្ចឹមសត្វសេកមួយតែវានៅមានជីវិតដែលជាសាក្សីដ៏សំខាន់សម្រាប់ស្រាយបំភ្លឺរកហេតុផល ដែលសម្លាប់ម្ចាស់វា ។
ប្តីរបស់ Neelam Sharma លោក Vijay Sharma បានប្រាប់ដល់ប៉ូលិសថា បន្ទាប់ពីឃាតកម្មនេះកើតឡើង គាត់បានសង្ស័យទៅលើក្មួយប្រុសរបស់គាត់ Ashutosh ។
ក្នុងអំឡុងពេលពិភាក្សា ដែលនិយាយអំពីឈ្មោះ Ashutosh សត្វសេកមួយក្បាលនោះ ក៏បានពន្លឺសូរច្រេច ដែលធ្វើឲ្យគាត់កាន់តែចាប់អារម្មណ៍ ។
ប៉ូលិសបាននិយាយថា ខណៈពេលដែលស៊ើបអង្កេត Ashutosh បានសារភាពថា ខ្លួនពិតជាបានសម្លាប់ Neelam Sharma ដែលត្រូវជាមីង របស់ខ្លួន ៕
មតិយោបល់