ខ្សែប្រយុទ្ធ​របស់ក្លិប Manchester City កីឡាករ Sergio Aguero នឹង​ស្ថិតនៅក្នុងបញ្ជីអ្នកលេង នាវគ្គផ្តាច់ព្រ័ត្រ​ក្នុងក្របខណ្ឌ Capital One Cup ដែល​ធ្វើឡើងនៅថ្ងៃ​ អាទិត្យ​នេះ​។​

កីឡាករ​ដែលស្វែងរកគ្រាប់បាល់​បានយ៉ាង​ច្រើននៅ ក្លិប Manchester City រូបនេះបាន​អវត្តមាន ៥ ប្រកួត ដោយសារតែ​បញ្ហា​របួសសរសៃពួរជើង ប៉ុន្តែ​​ Sergio Aguero បានចូលរួម​ហ្វឹកហាត់នៅដើមសប្តាហ៍នេះ ។​
ខ្សែប្រយុទ្ធ​សញ្ជាតិ​អាហ្សង់ទីន រូបនេះ​ស្វែងរកគ្រាប់បាល់បាន ២៦ គ្រាប់ ​នៅរដូវកាលនេះ ដោយជួយ​ឲ្យ មេឃខៀវ​ឈ្នះក្លិប មាន់​ខ្នាយមាស ដោយលទ្ធផល ៥-១ កាលពីថ្ងៃទី ២៩ ខែ មករា ។​

អ្នកចាត់ការទូទៅរបស់ក្លិប មេឃខៀវ លោក Manuel Pellegrini បានបដិសេធមិន​ឲ្យ Sergio Aguero លេង​ទេ ខណៈដែល​ជួបជាមួយនឹង Sunderland ក៏ប៉ុន្តែពេលនេះ គាត់បានបញ្ជាក់ថា នឹង​ស្វាគមន៍គាត់មកកាន់ទីលានវិញ​។​
អ្នកចាត់ការទូទៅក្លិបខាងលើបន្តថា “គាត់គឺជា​កីឡាករ​ដ៏សំខាន់សម្រាប់ក្លិប ហើយគាត់នឹង​​​ចូល​មកកាន់ទីលាន​​នៅពេលខាងមុខនេះ​” ។​
បើទោះបីជា បង្ហាញវត្តមានកីឡាករ Sergio Aguero ចូលទីលានវិញ តែ លោក Manuel Pellegrini នឹង​លេងនៅថ្ងៃអាទិត្យស្អែកនេះ ដោយគ្មានវត្តមានកីឡាករ ខ្សែការពារ Matija Nastasic និងខ្សែប្រយុទ្ធ​ Stevan Jovetic ខណៈដែល​អ្នកទាំងពីរកំពុងប្រឈមមុខនឹងបញ្ហារបួស ៕