នាយ ពែកមី ដែលមានជីវិតជូរចត់ ពីកម្មករសំណង់ក្លាយជាតារាសម្តែង និងកំប្លែងដ៏ល្បី កំពុងតែក្រសោមបាននូវ ប្រជាប្រិយភាពទាំងក្នុងប្រទេស និងក្រៅប្រទេស ។ ក្រៅពីវត្តមានសម្តែងកំប្លែងនៅស្ថានីយ៍ទូរទស្សន៍ ស៊ីធីអិន តារាកំប្លែងល្បីរលកក្រោយនេះ ក៏មមារញឹក ណាស់ដែរ លើការថតរឿង និង ចេញចម្រៀងជាច្រើនវ៉ុល នៅក្នុងផលិតកម្មថោន ។
សម្រាប់បទចម្រៀង ដែល ធ្វើឲ្យនាយពែកមី ល្បី ក្នុងផលិតកម្ម ថោន នាពេលកន្លងមក មានបទ “ឲ្យប្រពន្ធស៊ីសៀង ឲ្យនាងស៊ីដល់ស៊ុប” ដែលជាទំនុកច្រៀង កវីវ័យក្មេង ផលិតកម្ម ថោន យឹម តាស្រង់ ។ ក្រៅពីបទនេះ នៅមានបទ “កុំភ្លេចស្វាយរៀង” និងមានបទជាច្រើន ទៀត ដែលកំពុងទទួលបានការចាប់អារម្មណ៍ពីសំណាក់មជ្ឈដ្ឋាន អ្នកតាមដានសង្គមសិល្បៈ។
ជាមួយនឹងជោគជ័យ ជាបន្តបន្ទាប់ នាយ ពែកមី ក៏កំពុងជាប់ឈ្មោះថា ជា ប្រុសព្រាន ដោយ “បោកគេស៊ីហើយ ឲ្យគេថែខ្លួន” ស្រមោលខ្មៅ ដែលកំពុង តាមលង តារាកំប្លែងរូបនេះ ក៏ជាចំណែកមួយ ដែលធ្វើឲ្យ ពែកមី កាន់តែមានភាពរន្ទឺរបន្ថែមទៀត ដោយអ្នកគាំទ្ររបស់ខ្លួនចង់ដឹង ចង់ឭថា មូលហេតុបានជាជាប់ឈ្មោះ “បោកគេស៊ីហើយ ឲ្យគេថែខ្លួន ” ? ។
ទាក់ទងនឹងរឿងដ៏រសើបនេះដែរ សូមប្រិយមិត្ត អ្នកតាមដាន សកម្មភាព តារាកំប្លែង នាយពែកមី សូមទប់ចិត្ត ឲ្យនឹង នៅឲ្យស្ងៀម វាមិនមែនជារឿងអាក្រក់នោះទេ តែវាជារឿងដ៏ល្អសម្រាប់ នាយ ពែកមីទៅ វិញ នោះទេ ដោយភាពជាប់ឈ្មោះនេះដែរកើតចេញពីបទចម្រៀង “សុំទោសស្រីម្នាក់” ដែលមាននៅក្នុងវីស៊ីឌី វ៉ុល ៣៥ របស់ផលិតកម្ម ថោន តែប៉ុណ្ណោះ ។ ដោយក្នុងអត្ថន័យនៃបទចម្រៀង នេះគឺនាយ ពែកមី បានភូតកុហកស្ត្រីម្នាក់ ឲ្យលង់ស្រលាញ់ខ្លួន ថែមទាំងយកខ្លួនប្រាណរបស់នាង ទាំងដែលខ្លួនមានប្រពន្ធ កូន រួចរាល់ហើយនោះ ។ ម្យ៉ាងវិញទៀត ក្រោយបោកគេស៊ី ហើយ ឲ្យគេថែខ្លួន កុំឲ្យជួបរឿងដូចអ្វីដែលធ្លាប់ជួបជាមួយនឹងខ្លួន ។ ហេតុដូច្នេះទើបជាប់ឈ្មោះថា ជា “បោកគេស៊ីហើយឲ្យគេថែខ្លួន ” ៕
ទស្សនាវីដេអូឃ្លិបដូចខាងក្រោមនេះ៖
មតិយោបល់