ស្នេហាជៀសមិនផុតពីជួបឧបសគ្គឡើយ ប៉ុន្តែបើបានជួបមនុស្សដែលយើងស្រឡាញ់ហើយគួរតែរក្សាចំណងមេត្រីភាពឲ្យបានល្អ។ ជាពិសេសនោះគឺត្រូវមានចិត្តអំណត់ និងផ្តល់ពេលឲ្យបានគ្រប់គ្រាប់ ដើម្បីរឹតបន្តឹងចំណងស្នហ៍របស់អ្នកទាំងពីរឲ្យកាន់តែប្រសើរឡើង។ ខាងក្រោមនេះដែលគឺជាការណែនាំមួយចំនួនក្នុងការរក្សាទំនាក់ទំនងរបស់អ្នកឲ្យកាន់តែស្និទ្ធស្នាល៖
១. គ្រប់គ្រងចិត្តច្រណែនរបស់អ្នក
ចិត្តច្រណែនដែលកើតចេញពីសេចក្តីស្រឡាញ់ អាចធ្វើឲ្យទំនាក់ទំនងរបស់អ្នកមានការភាន់ច្រលំទាំងស្រុង។ ទោះជាយ៉ាងណា ប្រសិនបើអ្នករក្សា គ្រប់គ្រងចិត្តច្រណែនរបស់ខ្លួននោះ អ្នកនឹងអាចបញ្ចប់ការឃ្លាតឆ្ងាយជាមួយមនុស្សជាទីស្រឡាញ់របស់អ្នកបាន។
២. ផ្តល់ពេលវេលាឲ្យបានគ្រប់គ្រាន់
ការមានភាពស្និទ្ធស្នាលជាមួយនឹងមិត្តភក្តិ និងក្រុមគ្រួសារពិតជារឿងមួយដែលល្អបំផុត។ ប៉ុន្តែអ្នកកុំភ្លេចថា ការផ្តល់ពេលវេលាឲ្យបានគ្រប់គ្រាន់សម្រាប់ដៃគូរបស់ខ្លួន គឺជារឿងមួយដែលធ្វើឲ្យទំនាក់ទំនងរបស់អ្នកកាន់តែមានភាពល្អប្រសើរបំផុត។
៣. ផ្ញើរសារដែលមានភាពរ៉ូមែនទិច
ការបង្កើតនូវអ្វីដែលធ្វើឲ្យដៃគូររបស់អ្នកមានអារម្មណ៍រំភើប ដូចជាការផ្ញើសារដែលមានលក្ខណៈរ៉ូមែនទិចពិតជាមិនអាចខ្វះបាន ប្រសិនបើអ្នកទាំងពីរនៅឆ្ងាយពីគ្នា។
៤. ស្តាប់នូវអ្វីដៃគូរនិយាយគ្រប់ពេលនៅជាមួយគ្នា
ពេលណាដែលអ្នករីករាយនៅជាមួយគ្នា ចូរស្តាប់នូវអ្វីដែលគេនិយាយ និងគាំទ្រជានិច្ច។ មិនត្រូវឈ្លោះប្រកែកគ្នានាំឲ្យចំណាយពេលវេលាឥតប្រយោជន៍នោះទេ ដើម្បីឲ្យកាន់តែមានភាពស្និទ្ធស្នាលអ្នកគួរតែនិយាយអ្វីដែលមានភាពផ្អែមល្ហែមទើបប្រសើរ៕
មតិយោបល់