យើងដឹងហើយថា ថ្លើមគឺមានតួនាទីយ៉ាងសំខាន់នៅក្នុងរាងកាយរបស់មនុស្សម្នាក់ៗ តែប្រសិនបើថ្លើមចាប់ផ្លើមមានបញ្ហា វានឹងធ្វើឲ្យលេចចេញនូវរោគសញ្ញាផ្សេងៗនៅលើរាងកាយ។ រោគសញ្ញាទាំនោះអាចជះឥទ្ធិពលទៅលើ ស្បែក ភ្នែក ដង្ហើម និងប្រព័ន្ធរំលាយអាហារជាដើម ហេតុនេះអ្នកគួរតែស្វែងយល់ ដើម្បីធ្វើការបង្ការឲ្យទាន់ពេលវេលា។
ស្បែក ក្រចក និងភ្នែកឡើងពណ៌លឿង
ការផ្លាស់ប្តូរនៃអវៈយវៈទាំងនេះក្លាយទៅជាពណ៌លឿង អាចជាសញ្ញាដំបូងដែលបញ្ជាក់ថា ភាគរយនៃការកើតជម្ងឺថ្លើមគឺមានច្រើនបំផុត។ វាជារោគសញ្ញាទូទៅនៃជម្ងឺថ្លើមដូចជា ជម្ងឺរលាកថ្លើម ដោយសារតែការផឹកស្រា ជក់បារី ឬមានជាតិគីមីច្រើនពេកចូលក្នុងខ្លួន។ តាមរយៈរោគសញ្ញាដែលបង្ហាញដំបូងនេះ អ្នកអាចធ្វើការពិនិត្យ និងព្យាបាលទាន់ពេលវេលា។
រង្វង់ភ្នែកឡើងខ្មៅ
ពេលដែលស្បែកនៅជុំវិញភ្នែកឡើងពណ៌ខ្មៅខ្លាំង វាអាចឆ្លុះបញ្ជាំងពីស្ថានភាពដែលអ្នកកំពុងតែធ្លាក់ខ្លួនជាជនរងគ្រោះដោយសារតែជម្ងឺថ្លើម។ ពេលថ្លើមត្រូវបានរងរបួស វាអាចបណ្តោលឲ្យខូចខាតដល់ស្បែក នៅជុំវិញភ្នែក ជាពិសេសធ្វើឲ្យរង្វង់ភ្នែកមានភាពខ្មៅងងឹង។ ម្យ៉ាងទៀតវាអាចធ្វើឲ្យអ្នកមានអាការៈអស់កំលាំង និងឈឺចាប់ត្រង់រង្វង់ភ្នែក ដូច្នេះហើយប្រសិនបើអ្នកមានរោគសញ្ញាមិនស្រួលបែបនេះ សូមទៅជួបគ្រូពេទ្យដើម្បីពិគ្រោះយោបល់ភ្លាមៗ។
ដង្ហើមមានក្លិនអាក្រក់
នៅពេលដែលប្រិតិបត្តិការនៃថ្លើមរបស់យើងមានប្រសិទ្ធិភាបតិចតួច ធ្វើឲ្យការផលិតបរិមាណនៃអាម៉ូញ៉ាក់កាន់តែច្រើន ដែលធ្វើឲ្យប៉ះពាល់ដល់រាងកាយ។ នេះគឺជាមូលហេតុដ៏សំខាន់ដែលធ្វើឲ្យដង្ហើមរបស់យើងមានក្លិនអាក្រក់។ ដូច្នេះហើយនៅពេលដែលមានអាការៈបែបនេះកើតឡើងអ្នកគួរតែរកវិធីសាស្ត្រដើម្បីបង្ការឲ្យហើយ។
បញ្ហារំលាយអាហារ
សញ្ញាដែលបង្ហាញថាមានការឈឺក្រពះ ពោះវៀន ក៏ព្រមានថាមានជម្ងឺថ្លើមកើតមានឡើងដែរ។ មូលហេតុនេះគឺបណ្តោលមកពីថ្លើម មានភាពទាក់ទងជាមួយនឹងដំណើរការរំលាយអាហាររបស់យើង។ បើទោះបីជារោគសញ្ញានេះតិចតួចក៏ពិតមែន តែក៏អាចជាសញ្ញានៃការខូចថ្លើម ឬជម្ងឺថ្លើមមួយដែរ។ ជាពិសេសប្រសិនបើជាតិខ្លាញ់នៅក្នុងថ្លើមទាំងមូល មិនអាចរំលាយធ្វើការរំលាយបានធ្វើឲ្យមានការប៉ះពាល់ដល់ការរំលាយអាហារ។
ឈឺក្រពះ
ប្រសិនបើអ្នកមិនបានយកចិត្តទុកដាក់ចពពោះការព្យាបាលទេ វាបណ្តោលឲ្យក្រពះមានស្ថានភាពឡើងហើមប៉ោងខុកពីធម្មតា។ នេះគឺជាដំណាក់កាលនៃការកើតជម្ងឺថ្លើមកម្រិតខ្ពស់ ហេតុនេះហើយអ្នកគួរតែទៅកាន់មន្ទីពេទ្យ ដើម្បីធ្វើការព្យាបាលជាបន្ទាន់៕
ចុចទីនេះមើលប្រភពដើម www.mungkulkar.com សហការជាមួយនឹងដំណឹង
មតិយោបល់