អង់គ្លេស៖អ្នកចាត់ការទូទៅរបស់ក្លិបកាំភ្លើងធំ លោក Arsene Wenger បានបង្ហើបឲ្យដឹងថា លោកក៏ជាអ្នកគាំទ្រដល់កីឡាករ Antoine Griezmann របស់ក្លិប Real Sociedad ផងដែរ។ ប៉ុន្តែករណីនេះវាមិនមែនមានរឿងតែមួយ នោះទេ ដែលលោកត្រូវធ្វើជាអ្នកគាំទ្រដល់កីឡាករ Real Sociedad រូបនេះ។
កីឡាករខ្សែបម្រើ សញ្ជាតិបារាំង Antoine Griezmann បានលេចឭពាក្យចចាមអារាមថា ជាគោលដៅសំខាន់របស់ អ្នកកាន់កាំភ្លើងធំ សញ្ជាតិបារាំង ក្នុងអំឡុងពេល ទីផ្សារផ្ទេរកីឡាករ កាលពីខែ មករា នោះ ។
តែទោះជាលេចឭពាក្យចចាមអារាម យ៉ាងនេះ វាមិនបានលេចរូបរាង លើការផ្ទេរនោះទេ ដោយកីឡាកររូបវ័យ ២២ ឆ្នាំ របស់ក្លិប Real Sociedad កំពុងនៅអេស្ប៉ាញនៅឡើយ។
ថ្មីៗនេះដែរ ក៏លេចព័ត៌មាន ពីពហុកីឡដ្ឋាន Emirates Stadium ថា វាអាចនឹងបើកការដេញថ្លៃ នៅរដូវកាលក្តៅនេះ ។ ព័ត៌មាននេះដែរ ត្រូវបាន អ្នកចាត់ការទូទៅក្លិប កាំភ្លើងធំ បានច្រានចោល ព្រោះថា កន្លងមក អ្នកកាន់កាំភ្លើងធំរូបនេះ តែងតែធ្វើការបដិសេធ នឹងចូលចិត្តលាក់រឿងរ៉ាវក្នុងទ្រូង។ប៉ុន្តែ ប្រធានក្លិប កាំភ្លើងធំ បានបង្ហើបក្នុងចំណោមស្ថានភាពទាំងនោះថា វាកំពុងតែដំណើការកៀកកិត ជិតស្និទ្ធបំផុត ដោយកំពុងតែសំឡឹងមើលរាល់សកម្មភាពដ៏អស្ចារ្យរបស់គាត់ (Antoine Griezmann ) ៕
មតិយោបល់