លោក Jose Mourinho បានធ្វើឲ្យក្លិបតោខៀវលើកំពូលតារាង ប៉ុន្តែ មានអារម្មណ៍ថា មេឃខៀវ គឺនឹងបាត់បង់ពាន់រង្វាន់ Premier League ។
ក្នុងលទ្ធផល ៣-១ ដែលតោខៀវបានបំបាក់ក្លិប ចចកខ្មៅ Fulham ដែលធ្វើឡើង ភាគខាងលិចទីក្រុងឡុងដ៏ កាលពីថ្ងៃសៅរ៍ ខណៈដែលគូប្រជែងខ្លាំងក្លា ក្លិបកាំភ្លើងធំ រងបរាជ័យដ៏គួរឲ្យភ្ញាក់ផ្អើល ដោយចាញ់ក្លិប Stoke City ក្នុងលទ្ធផល ១-០ ។ ដូច្នេះ វាបានធ្វើឲ្យក្លិប តោខៀវ លើសពិន្ទុ កាំភ្លើងធំរហូតដល់ទៅ ៤ ពិន្ទុលើតារាង ។
ចំណែកក្លិប មេឃខៀវ ដែលទើបតែឈ្នះពានរង្វាន់ Capital One Cup កាលពីថ្ងៃអាទិត្យ បានរអិលខ្លួនទៅកាន់លំដាប់តារាងទី ៤ ដោយចាញ់ក្លិបតោខៀវ Chelsea រហូតដល់ទៅ ៦ ពិន្ទុ ។
លោក Manuel Pellegrini បាននិយាយថា យើងនៅមាន ២ ប្រកួត នឹង ធ្វើឲ្យក្លិប មេឃខៀវ ឡើងទៅកាន់កំពូលតារាងវិញ ។ តែទោះជាយ៉ាងណា លោក Mourinho បានឲ្យដឹងថា បើសិនជា ពួកគេ (មេឃខៀវ) ឈ្នះរហូត ដែលត្រូវប្រកួត ដល់ទៅ ១២ ប្រកួតទៀតនោះ ច្បាស់ណាស់ មេឃខៀវអាចនឹងលើកពាន ក៏ប៉ុន្តែបើសិនជាយើង ឈ្នះ ១០ប្រកួតទៀត យើងជាអ្នកលើកពាន ។ អតីតអ្នកចាត់ការក្លិប Real Madrid រូបនេះបានបន្តទៀតថា វាមិនអាចដូចការរំពឹងទុករបស់ពួកគេ នោះទេ ព្រោះថាក្លិបនេះត្រូវជួបក្លិបខ្លាំងជាច្រើន ទៀត យើងមិនអាចប៉ាន់ស្មានទុកមុននោះទេ ហើយបើតាមការប៉ាន់ស្មាន មេឃខៀវ មិនអាចលើកពាននោះទេ ឆ្នាំនេះ ៕
មតិយោបល់