អតីតទេសាភិបាលធនាគារកណ្ដាលអាមេរិក លោក Ben Bernanke បាននិយាយកាលពីថ្ងៃម្សិលមិញថា ស្ថានភាពសេដ្ឋកិច្ចអាមេរិកនាពេលខាងមុខមានភាពវិជ្ជមាន បើធៀបនឹងប្រទេសឧស្សាហកម្មផ្សេងៗទៀតនៅលើពិភពលោក ហើយមានហេតុផលល្អៗជាច្រើនក្នុងការគិតថាសេដ្ឋកិច្ចអាមេរិកនឹងបន្តមានកំណើនក្នុងអត្រាប្រហែល ៣ភាគរយនៅក្នុងឆ្នាំនេះ។
នេះការថ្លែងឲ្យដឹងនៅក្នុងសុន្ទរកថាលើកដំបូង ចាប់តាំងពីលោកលាឈប់ពីតំណែង កាលពីខែមករា ហើយលោកបានលើកឡើងអំពីសន្និសីទស្ដីពីហិរញ្ញវត្ថុនៅរាជធានីប្រទេសអេមីរ៉ាតអារ៉ាប់រួម។
លោកបានបន្តទៀតថា វិស័យផ្ទះសំបែក ដែលជាផ្នែកមួយដ៏ធំនៃការធ្លាក់ចុះកំណើនសេដ្ឋកិច្ច កំពុងបង្ហាញសញ្ញារើបឡើងវិញ ហើយវិស័យសាងសង់នឹងមានកំណើនឡើងដែរ។
បើទោះជាយ៉ាងនេះក្ដី លោកបានព្រមានថា សហរដ្ឋអាមេរិកនៅមិនទាន់អស់វិបត្តិនោះទេ៕
ប្រភព៖ Reuters
មតិយោបល់