ខ្សែការពារកណ្តាល និងជាប្រធានក្រុមរបស់ក្លិប អ្នកមានបុណ្យ Bacelona កីឡាករ Carles Puyol បានប​ង្ហាញជម្រើសចុងក្រោយ ឲ្យដឹងថាគាត់នឹង ចាកចេញពីក្លិប Bacelona ដែលនឹងបញ្ចប់នៅរដូវកាលនេះ។​

ក្នុងសន្និសីទកាសែតកាលពីថ្ងៃអង្គារ ម្សិលមិញនេះ Carles Puyol បានសម្រេចចិត្តចាកចេញពី Nou Camp ដែលបញ្ចប់នៅចុងរដូវកាលនេះ ។ កីឡាករ Puyol បាន​ឲ្យដឹងថា សម្រាប់ក្លិប​បានដឹងព័ត៌មាននេះរួចរាល់ហើយ តែ​ខ្ញុំនឹងបន្តលេង ​រហូតបញ្ចប់ រដូវកាល ។​ ក្រោយបញ្ចប់ពីទីលាន Bacelona ខ្ញុំនៅតែមិនដឹង ធ្វើអ្វីនៅឡើយនោះទេ តែ​ខ្ញុំនឹង យកពេលវេលាសម្រាប់សម្រាក និងគិតបន្ត​។​

កីឡាករ Carles Puyol បង្ហាញខ្លួនលើទឹកដី Barcelona ដែលជាការប្រកួតតំបូង ​នៅថ្ងៃទី ១០ ខែ កុម្ភៈ ឆ្នាំ ១៩៩៩ កាលនោះបានជួយឲ្យក្លិប​លុត Valladolid ដោយលទ្ធផល ២-០។​ចាប់តាំងពីបង្ហាញខ្លួនលើកតំបូង រហូតមកទល់នឹងពេលនេះ Puyol ប្រកួត បាន ៤០០ ប្រកួត រកគ្រាប់បាល់បាន ១៧ គ្រាប់ ៕