ការធ្វើលំហាត់ប្រាណមិនត្រឹមតែអាចជួយដល់សុខភាពនោះទេ វាក៏អាចជួយបង្កើននូវសុខភាពផ្លូវភេទរបស់បុរសឲ្យខ្លាំងក្លាផងដែរ។ ធ្វើតាមលំហាត់ប្រាណខាងក្រោមនេះ អ្នកនឹងទទួលបានថាមពលកើនឡើង ៣ ទៅ ៤ ដងជាងធម្មតា។
លើកដុំដែកធ្ងន់ៗ
ហេតុអ្វីបានជាការលើកដុំដែកដែលមានទម្ងន់ធ្ងន់អាចជួយដល់សុខភាពផ្លូវភេទបុរស? ហេតុផលគឺ នៅពេលដែលអ្នកលើកវត្ថុធ្ងន់ និងជួយឲ្យអ័រម៉ូន Testosterone នៅក្នុងខ្លួនផលិតបានច្រើន។ លើសពីនេះទៅទៀតការអនុវត្តហាត់ប្រាណដូចជា អង្គុយងើបៗ បង្វិលជើងទៅឆ្វេងទៅស្តាំ ការដើរ ក៏មានលិទ្ធផលស្រដៀងគ្នាដែរ។ ទម្រងនៃការហាត់ប្រាណបែបនេះធ្វើឲ្យមានសាច់ដុំរបស់អ្នកពូនលើស្មា ដើមទ្រូង និងពោះ ដែលធ្វើឲ្យមានកំលាំងអាចប្រយុទ្ធបានយូរ។
ហាត់ Yoga
ការហាត់ប្រាណតាមបែបលក្ខណៈ Yoga អាចជួយឲ្យសកម្មភាពផ្លូវភេទរបស់អ្នកកាន់ប្រសើរជាងមុន។ ព្រោះពេលហាត់ប្រាណអ្នកនឹងមានឥរិយាបទថ្មី ការច្នៃប្រឌិតថ្មី ជាមួយនឹងចលនារាងកាយបត់បែន ដែលធ្វើឲ្យប្រសើរឡើងនៃសាច់ដុំនៅត្រង់ត្រគាក។
ការដើរ
តាមការសិក្សាស្រាវជ្រាវទៅលើបុរស ៣១.០០០ នាក់ ចាប់ពីអាយុ ៥០ ឆ្នាំឡើងទៅ អ្នកស្រាវជ្រាវពីសាកលវិទ្យាល័យ Harvard សហរដ្ឋអាមេរិច បានឲ្យដឹងថា ការធ្វើលំហាត់ប្រាណ អាចជួយសម្រាលនូវភាពមិនប្រក្រតីរបស់អាអូនតូចបាន ៣០ ភាគរយ។ លើសពីនេះទៀតសកម្មភាពហាត់ប្រាណ ក៏អាចជួយដុតបំផ្លាញ់កាឡូរីយ៉ាងហាចណាស់ ២០០ កាឡូរីក្នុងមួយថ្ងៃ ស្មើរនឹងការដើរចម្ងាយ ២ ម៉ាយល៍។
ការដើរមានប្រយោជន៍សម្រាប់មុខងារនៃលិង្គ ដោយធ្វើឲ្យប្រសើរឡើងនូវប្រតិបត្តិការប្រព័ន្ធលំហូរឈាម ព្រមទាំងជួយប្រឆាំងនឹងជម្ងឺសសៃឈាមក្នុងបេះដូង។ ការរត់ ឬដើរក៏អាចជួយបញ្ចេញនូវអ័រម៉ូន Endorphins ដែលទាក់ទងទៅនឹងសកម្មភាពផ្លូវភេទ។
ហែលទឹក
ហែលទឹកយ៉ាងហាចណាស់ឲ្យបានបីដងក្នុងមួយសប្តាហ៍ ហើយក្នុងមួយដងរយៈពេល ៣០ នាទី នឹងអាចជួយសកម្មភាពផ្លូវភេទរបស់អ្នកឲ្យបានយូរអង្វែង។ អ្នកស្រាវជ្រាវបង្ហាញថាការហែលទឹកគឺជាប្រការដ៏ល្អដែលអាចជួយសម្រកទម្ងន់បានច្រើនបំផុត ក៏ប៉ុន្តែបង្កើតសកម្មភាពផ្លូវភេទ។
ការហាត់ប្រាណបែប Kegel
ទម្រង់នៃការហាត់ប្រាណបែបនេះអាចជួយឲ្យមានផលល្អសម្រាប់បុរស ដោយសារតែវាអាចជួយត្រួតពិនិត្យ និងពង្រឹងសាច់ដុំដែលជាផ្នែកមួយដែលទាក់ទងនឹងសកម្មភាពផ្លូវភេទ។ ការអនុវត្តហាត់ប្រាណបែបនេះអាចជួយពន្យាពេលការបាញ់ទឹកកាមចេញមកក្រៅមុនពេលឈានដល់ចំណុចកំពូល ជាងនេះទៅទៀតវាអាចជួយឲ្យអ្នកអនុវត្តម្តងហើយ ម្តងទៀតក្រោយពេលដែលសម្រាក់បាន ១០ វិនាទី៕
មតិយោបល់