ដូច​អ្វីដែលយើងបានដឹងរួចរាល់ហើយថា កាលពីជំនួបជើងទី ១ ក្នុងក្របខណ្ឌ Champions League វគ្គ១៦ក្រុមចុងក្រោយ រវាងក្លិប Arsenal និង Bayern Munich ក្លិបម្ចាស់ផ្ទះកាំភ្លើងធំបានចាញ់ក្លិបម្ចាស់ជើងឯក​អាល្លឺម៉ង់ ក្នុងលទ្ធផល ២-០ ​ដែល​ធ្វើឡើងនៅ ពហុកីឡដ្ឋាន​ Emirates ។​
ទន្ទឹមជាមួយនឹងគ្នានេះដែរ ​សម្រាប់រាត្រីថ្ងៃ​អង្គារនេះ ម៉ោង ១៩ និង ៤៥ នាទី ត្រូវនឹងម៉ោងនៅកម្ពុជា ២ និង ៤៥ នាទីរំលងអធ្រាត្រ ឈានចូលរាត្រី​ព្រឹកឡើងថ្ងៃទី ១២ ខែ មិនា ​ក្លិបកាំភ្លើងធំនឹង​ធ្វើដំណើរទៅកាន់ ពហុកីឡដ្ឋាន ALLIANZ ARENA របស់ Bayern Munich ។​

កាលពីល្ងាចថ្ងៃទី ១០ ខែ មិនា ម្សិលមិញនេះដែរ លោក Arsene Wenger បានទទូចថា ខ្លួននឹង​វាយប្រហារ ឲ្យស្មើ ឬក៏ឈ្នះ គ្រាប់បាល់ដែល Bayern Munich នៅ​ជើងទី ១ នោះពោល​គឺ កាំភ្លើងធំ​ត្រូវ​ឈ្នះ ក្នុងលទ្ធផល ៣-០ ទើបអាចទៅរួច ។​

​បើទោះបីជា លោក Arsene Wenger មានអំនួតយ៉ាងនេះក្តី ​បើងាកទៅមើល​ហេតុផលដែលខ្លួនចាញ់លើទឹកដី កាលពីជើងទី ១ នោះ វា​​មិនសមតុល្យនឹង​សម្តីរបស់ខ្លួនឡើយ ។ ព្រោះថា​លើកនេះ Arsene Wenger ត្រូវ​ធ្វើដំណើរទៅកាន់ទឹកដីគេ មិនមែន ជា​ទឹកដីរបស់ខ្លួននោះទេខណៈទឹកដីខ្លួនលើកមុនក៏ចាញ់ដែរនោះ​ ។ ដូច្នេះ​រាត្រីនេះ គេហទំព័រ ដំណឹង សូមព្យាករណ៍ទុកមុនថា ​ Arsenal នឹង​ចាញ់ក្លិប Bayern Munich ក្នុងលទ្ធផល ២-១ ៕​
ទស្សនាវីដេអូឃ្លិប ​Arsenal និង Bayern Munich ជួបគ្នា​ក្នុងជើងទី ១ ៖