យោងតាមរបាយការណ៍ចុងក្រោយពីខាងអ្នកស្រាវជ្រាវនៅ ក្នុងហេតុការណ៍បាត់យន្តហោះនៅក្នុងប្រទេសម៉ាឡេស៊ី បានរាយការណ៍ឲ្យឹដឹងថា ជនសង្ស័យពីរនាក់ ដែលប្រើប្រាស់លិខិតឆ្លងដែនក្លែងក្លាយ មានមុខមាត់ស្រដៀងទៅនឹងកីឡាករ ស្បែកខ្មៅរបស់អ៊ីតាលី Balotelli ។
ប៉ុន្មានថ្ងៃមកនេះមាន ប្រទេសជាច្រើន បានកំពុងតាមដានព័ត៌មានហេតុការណ៍បាត់យន្តហោះ ឥតឃើញដាន របស់ម៉ាស៊ី MH370 Malaysia Airlines ដែលគេសង្ស័យជាអំពើភេរវកម្មនោះ។
ជាមួយនឹងហេតុការណ៍នេះខាង សមត្ថកិច្ច និង FBI បានធ្វើការស្រាវជ្រាវ ស៊ើបអង្កេត ទៅលើជនសង្ស័យពីរនាក់ ដែលប្រើប្រាស់ លិខិតឆ្លងដែនក្លែងកា្លយ ។ ទាក់ទិននឹងជនក្លែងបន្លំលិខិតឆ្លងដែនពីរនាក់នេះ នាយកដ្ឋាន នៃអាកាសចរស៊ីវិល ម៉ាឡេស៊ី លោក Azharuddin Abdul Rahman បានឆ្លើយតបថា “តើអ្នកស្គាល់ កីឡាករ ដែលមានឈ្មោះ Mario Balotelli ឬអត់?” ។ ការឆ្លើយតបរបៀបសំនួរនេះ អាចនឹងធ្វើឲ្យ មហាជនយល់ច្រឡំ ដោយលោកបានបន្តបញ្ជាក់ថា ជនសង្ស័យពីរនាក់នោះគឹមានមុខមាត់ ស្ទីលសក់ ដូចទៅនឹងកីឡាករ Mario Balotelli ។ ជាមួយនឹងចម្លើយបែបនេះ បានបង្ករឲ្យមានភាពភ្ញាក់ផ្អើលក្នុងពិភពកីឡា ។
រហូតមកទល់នឹងពេលនេះ ហេតុការណ៍បាត់យន្តហោះ ដោយគ្មានដាននេះដែរ នៅមិនទាន់អាចធ្វើការសន្និដ្ឋានឲ្យជាក់នោះទេ ខណៈដែលការសង្ស័យ ថាជាអំពើភេរវកម្ម។ ទន្ទឹមជាមួយនឹងគ្នានេះដែរ ខាងអាជ្ញាធរម៉ាស៊ី កំពុងដុតដៃដុតជើង បញ្ជូនយន្តហោះ នាវា ទៅកាន់តំបន់ដែលយន្តហោះបាត់ការទាក់ទង ដើម្បីស្វែងរកបន្ត៕
មតិយោបល់