បារាំង៖ក្លិបបាល់ទាត់ Bayer Leverkusen ​នៅរាត្រីនេះដែរ​ កំពុងប្រឈមមុខនឹងការវេចបង្វេច​​ទៅកាន់​គេហដ្ឋានវិញ បើទោះបីជា​ការប្រកួតមិន​ទាន់​​ធ្វើឡើងក៏ដោយសម្រាប់ជើងទី ២ ក្នុងក្របខណ្ឌ UEFA CHAMPIONS LEAGUE នេះ ។ Bayer Leverkusen នឹង​ធ្វើដំណើរ​ទៅកាន់​ទឹកដី ពហុកីឡដ្ឋាន PARC DES PRINCES របស់ PSG ដែលជាក្លិបអ្នកមាន នៅវេលាម៉ោង ១៩ និង ៤៥ នាទី ក្នុងតំបន់ ត្រូវនឹងម៉ោងនៅកម្ពុជា ម៉ោង ២ និង ៤៥ នាទីរំលងអធ្រាត្រ ។​

វាហាក់ដូចជាគ្មានសញ្ញាណាមួយ បញ្ជាក់ថា ​ Bayer Leverkusen លុត​ PSG ឡើយ ​នៅរាត្រីនេះ ខណៈជើងទី ១ ក្នុងក្របខណ្ឌខាងលើ ដោយ PSG លុត​​ម្ចាស់ទឹកដី Bayer Leverkusen ក្នុងលទ្ធផល ៤-០ ។ ដោយឡែករាត្រីនេះវិញ ទម្រាំតែ PSG ជា​ម្ចាស់ផ្ទះវិញ ទៀតនោះ ​ជាក់ណាស់ Bayer Leverkusen នឹងមិនអាច​ធ្វើ​ឲ្យ PSG ឈឺក្បាលឡើយ ​​បើទោះបីជា​លទ្ធផល ស្មើ ឬ ឈ្នះ ១-០ ឬ ២-០ នៅតែ​មិន​អាច​ឡើងទៅកាន់វគ្គ ៨ ក្រុមចុងក្រោយ​ដដែលនោះ ពោលគឺ Bayer Leverkusen នៅរាត្រីនេះ នឹង​វេចបង្វេច​ ។ នេះមិនមែនជាការ​ដាក់ទំនាយឲ្យ Bayer Leverkusen នោះទេ តែ​មើលទៅតាម​ទិដ្ឋភាពជាក់ស្តែង​ដែលបានឃើញ ៕​
ទស្សនាវីដេអូឃ្លិប Bayer Leverkusen រងបរាជ័យក្រោមថ្វីជើង PSG នៅជើងទី ១ ៖