បន្ទាប់ពីប្រឈមមុនឹងការចាញ់ក្លិបហង្សក្រហម កាលពីសប្តាហ៍កន្លងទៅ នេះ ​​នៅជុំទី ៣០ ក្លិបបិសាចក្រហម បានប្រឈមមុខថ្មីមួយទៀតនោះគឺ បាត់បង់ចំនួនអ្នកគាំទ្រនៅលើទំព័រ ហ្វេសប៊ុក​យ៉ាងច្រើនសន្ធឹក​។​

ខណៈដែលប្រកួតជាមួយនឹងហង្សក្រហម ត្រូវបានគេរំពឹងថា បិសាចក្រហមអាចនឹង​ឆ្លងទៅកាន់​កំពូលតារាងទី ៤ តែ​ខុសពីការរំពឹង​ទុក បែរជាចាញ់ហង្សក្រហម ដោយលទ្ធផល ៣-០ នៅលើទឹកដីរបស់ខ្លួនទៅវិញ ។​

ជាមួយនឹង​ទម្រង់ដឹកនាំ​ របស់ David Moyes បាន​ធ្វើ​ឲ្យបិសាចក្រហម​ធ្លាក់ចុះជាលំដាប់ នៅរដូវកាលនេះ និង​ធ្វើ​ឲ្យអារម្មណ៍អ្នកគាំទ្រ គ្មានក្តីសង្ឈឹមចំពោះអ្នកចាត់ការទូទៅរូបនេះឡើយ​។​ ទន្ទឹមជាមួយនឹងគ្នានេះដែរ មានមនុស្ស ៧ សែននាក់ បានចុច Unlike ជាមួយនឹងទំព័រ ហ្វេសប៊ុកក្លិបបិសាចក្រហម បន្ទាប់ពីរងបរាជ័យលើទឹកដីខ្លួននោះ ។​ បើសិនជា​ទម្រង់លេង​ របស់ David Moyes ម្តងស្រក់ ម្តងឡើង ដូចនេះ នឹងមានក្រុមអ្នកគាំទ្រ​ជាច្រើនទៀត នឹងបន្ត ចុច Unlike ដូចគ្នាផងដែរ ។​ បច្ចុប្បន្នកាល ចំនួនអ្នកចុចគាំទ្រ ក្លិបបិសាចក្រហម នៅសល់ 43,890,700 តែប៉ុណ្ណោះ ៕​