អង់គ្លេស៖ ខ្សែប្រយុទ្ធ Wayne Rooney របស់ក្លិបបិសាចក្រហម បានធ្វើឲ្យអ្នកគាំទ្រ សប្បាយរីករាយសារជាថ្មី បន្ទាប់ពី ប៉ះបាល់យ៉ាងស្អាត ឲ្យកីឡាករ Robin van Persie ស៊ុតបញ្ចូលទី រហូតដល់ទៅ ៣ គ្រាប់ ដោយទំលាក់ Olympiacos ក្នុងលទ្ធផល ៣-០ ដោយសរុបជើងទាំងពីរគឺ លទ្ធផល ៣-២ ។
ជាមួយនឹងលទ្ធផលចាញ់យ៉ាងអាម៉ាស លើទឹកដីរបស់ខ្លួន កាលពីចុងសប្តាហ៍កន្លងទៅ ដោយរងការបំបាក់ពីភ្ញៀវ ហង្សក្រហម៣-០ ក្នុងក្របខណ្ឌ អង់គ្លេស EPL ហើយងាកមកស្តារជ័យជម្នះលើក្លិប Olympiacos ៣-០ កាលពីរាត្រីយប់មិញនេះកីឡាករ Wayne Rooney បានឧទ្ធិស ដល់អ្នកគាំទ្ររបស់ខ្លួនផងដែរ។
Wayne Rooney បានប្រាប់ដល់ Skysport ថា “ជាមួយនឹងលទ្ធផលដែលចាញ់ហង្សក្រហម កន្លងទៅនេះ ហើយលទ្ធផលឈ្នះនៅរាត្រីយប់មិញនេះ សង្ឈឹមថា ពួកគេនឹងសប្បាយរីករាយសារជាថ្មី” ។
ដោយឡែកកីឡាករជើងចាស់ Ryan Giggs បានឲ្យដឹងថា “ដូចអ្វីដែល Rooney គិតចឹង យើងគឺជំពាក់លទ្ធផល អ្នកគាំទ្រ វាគឺល្អណាស់ដែលស្តារបាននូវលទ្ធផលឲ្យអ្នកគាំទ្រវិញនោះ” ៕
មតិយោបល់