ជាការពិតណាស់ការរួមភេទផ្តល់មកនូវអត្ថប្រយោជន៍ជាច្រើនសម្រាប់សុខភាព ទាំងបុរសស្ត្រី ជាពិសេសចំពោះអ្នកដែលមានវ័យកណ្តោល។ ការពិសោធន៍ទៅលើបុរស ២៩.០០០ នាក់នៅចក្រភពអង់គ្លេសបានរកឃើញថា មនុស្សដែលសប្បាយជាមួយនឹងផ្លូវភេទច្រើន អាចកាត់បន្ថយការកើតជំងឺមហារីកក្រពេញប្រូស្តាត និងជំងឺមហារីកទូទៅបានដល់ទៅ ៣ ដង។
ការសិក្សានេះត្រូវបានធ្វើឡើងដោយអ្នកវិទ្យាស្ថានជាតិនៃចក្រភពអង់គ្លេស បន្ទាប់មកបានការគ្រាំទ្រដោយការស្ទង់មតិនៃសាកលវិទ្យាល័យ Nottingham ។ បន្ទាប់ពីការសាកល្បងធ្វើស្តេតទៅលើបុរស ដែលមានអាយុចាប់ពី ៥០ ទៅ ៥៩ ឆ្នាំ អំពីប្រវត្តផ្លូវភេទរបស់ពួកគេ ក្រុមអ្នកស្រាវជ្រាវ Nottingham បាននិយាយថា ទំនាក់ទំនងផ្លូវភេទច្រើនជាង ១០ ដងក្នុងមួយខែ កាត់បន្ថយហានិភ័យនៃជំងឺមហារីកក្រពេញប្រូស្តាត។
អ្នកជំនាញបានពន្យល់ថែមទៀតថា មេជីវិតឈ្មោលនេះគួរតែត្រូវបានបញ្ចេញជាទៀតទាត់ ដើម្បីអនុញ្ញាតឲ្យកោសិកាថ្មីរីកលូតលាស់ ប្រសិនបើមិនបញ្ចេញទៀងទាត់នោះទេកោសចាស់ៗនឹងបង្កឲ្យមានជំងឺមហារីក។ ទោះជាយ៉ាងណាក្រុមអ្នកស្រាវជ្រាវ Nottingham បានបង្ហាញផងដែលថា ការបញ្ចេញទឹកកាមច្រើនពេកអាចធ្វើឲ្យប៉ះពាល់ទៅវិញសម្រាប់មនុស្សដែលមានវ័យចាប់ពី ២០ ទៅ ៤០ ឆ្នាំ។ នៅក្នុងឆ្នាំ ២០០៩ ការធ្វើស្តេតមួយបានរកឃើញថា ប្រសិនបើពួកគេបញ្ចេញទឹកកាមដោយខ្លួនឯងលើស ២០ ដងក្នុងមួយខែអាចបង្កើនហានិភ័យនៃជំងឺមហារីកក្រពេញប្រូស្តាតនៅពេលក្រោយ។
ចំណែកឯការស្ទង់មតិទៅលើបុរសចំនួន ១០០០ នាក់ ដែលមានអាយុចាប់ពី ៥៥ ទៅ ៧៥ ឆ្នាំនៅក្នុងកំឡុងពេល ៥ ឆ្នាំ បានរកឃើញថា អ្នកដែលអនុវត្តផ្លូវភេទតិចជាង ១ ដងក្នុងមួយសប្តាហ៍អាចមានហានិភ័យធ្វេដង ដែលធ្វើឲ្យប្រដាប់ភេទបុរសមិនអាចកម្រើកបានជាងអ្នកដែលអនុវត្តបានទៀងទាត់។ ចំពោះអ្នកដែលអនុវត្តទំនាក់ទំនងផ្លូវភេទច្រើនជាង ៣ ដងក្នុងមួយសប្តាហ៍ អាចកាត់បន្ថយជំងឺមហារីកក្រពេញប្រូស្តាតបានដល់ទៅ ២៥ ភាគរយ៕
មតិយោបល់