ភ្នំពេញ ៖ បុរសម្នាក់ជាអ្នកបើក រថយន្ត តាក់ស៊ី ក្រុមហ៊ុន ឆយ (VIP) ត្រូវជនសង្ស័យ០២នាក់ ចាក់មួយកាំបិត ចំកណ្តាលទ្រូងពេញបណ្តាលឲ្យ របួសធ្ងន់ធ្ងរ ក្នុងបំណងប្លន់ យករថយន្តតែមិន បានសម្រេច ។ ហេតុការណ៏នេះ កើតឡើងនៅវេលាម៉ោង ៧និង ២០នាទី យប់ថ្ងៃ ទី២២មីនា ២០១៤ ផ្លូវលេខ៥៣៨ សង្កាត់បឹងកក់១ ខណ្ឌទួល គោគ។
ប្រភពព័ត៌មានបានឱ្យដឹងថា ជនសង្ស័យ០២នាក់ខាងលើ បានហៅរថយន្ត តាក់ស៊ី ឆយ ប្រភេទ (VIP) មួយគ្រឿង ពណ៌ខ្មៅ ពាក់ស្លាកលេខ AT-142.0508 នៅចំណុច ហាង KFC តាមបណ្តោយផ្លូវ កម្ពុជាក្រោម ហើយឲ្យជួនពួកគេទៅផ្ទះនៅម្តុំទួលគោក ស្រាប់ តែមកជិតដល់ ភោជនីដ្ឋាន One More ក៏ជនសង្ស័យនោះបានកូនកាំបិត មកចាក់ទៅលើអ្នកបើក រថយន្តមួយកាំបិត ចំកណ្តាលទ្រូងពេញ បណ្តាលឱ្យអ្នកបើករថយន្ត តាក់ស៊ី នេះ របួសធ្ងន់ ប៉ុន្តែសកម្មភាព ប្លន់នេះមិនបាន សម្រេចទេ ដោយសាររថយន្តនេះមាន ប្រពន្ធ័ការពារទំនើប ទើបធ្វើឲ្យជនសង្ស័យនេះមិនអាចយករថយន្តនេះទៅបាន។ ក្រោយកើតហេតុប្រហែលជា២០នាទី រឿងនេះក៏បានដឹង ទៅដល់សមត្ថកិច្ច ហើយ សមត្ថកិច្ច ក៏ចុះមកអន្តរាគមន៏ភ្លាមៗ ប៉ុន្តែ ជនសង្ស័យ បានរត់គេចខ្លួនបាត់ទៅហើយ ។
ហើយករណីនេះសមត្ថកិច្ចមិនអាចដឹងថាជាគុំនុំឬក៏ជាករណីប្លន់នោះទេ ព្រោះថាជនរងគ្រោះរងរបួស់ធ្ងន់ធ្ងរពេកទើប មិនទាន់អាចប្រាប់ពីព័ត៌មានខាងលើនេះ បាន ហើយជនរងគ្រោះត្រូវបាន គេនាំទៅសម្រាកព្យាបាលនៅមន្ទីរពេទ្យ កាល់ម៉ែត្រផងដែរ។
ទាក់ទិននិងករណីខាងលើនេះដែរប្រហែលជាចង់ស្វាគមន៍លោកអធិការដែលមកកាន់ដំណែងថ្មីនៅខណ្ឌទួលគោក តើលោកអាចមានវិធានការយ៉ាងមិចក្នុងការបង្ក្រាបបទល្មើសនៅក្នុងខណ្ឌទួលគោកនេះ? ៕
មតិយោបល់