រាជធានីភ្នំពេញ ៖ រថយន្តមិនស្គាល់ម៉ាកមួយគ្រឿងបោះពួយបុកម៉ូតូហុងដាឌ្រីម C100 ស៊េរីឆ្នាំ៩៩ បណ្ដាលអោយមនុស្ស៣នាក់រងរបួសធ្ងន់ស្រាល កាលពីវេលាម៉ោង១០និង ៣៥នាទីយប់ថ្ងៃទី២៤ខែមីនាឆ្នាំ២០១៤ ត្រង់ចំណុចអង់តែនទួលគោក ស្ថិតនៅក្នុងសង្កាត់ទួលសង្កែ ខណ្ឌឫស្សីកែវ។
ប្រភពព័ត៌មានពីកន្លែងកើតហេតុបានឱ្យដឹងថា មុនពេលកើតហេតុ មានរថយន្តមិនស្គាល់ម៉ាក ពណ៌ក្រហម បើកបរក្នុងល្បឿនលឿនទិសដៅពីជើងទៅត្បូងតាមបណ្ដោយផ្លូវ៣៥៥ ពេលនោះក៏មានម៉ូតូហុងដាឌ្រីម C100 ស៊េរីឆ្នាំ៩៩ ពាក់ស្លាកលេខស៊េរីចាស់ ច.៣៤២៦ ភព១ ជិះគ្នា៣នាក់ទិសដៅពីត្បូងទៅជើងច្រាស់ទិសគ្នា មកដល់ចំណុចកើតហេតុក្បែរអង់តែនទួលគោកក៏បុកគ្នាចំពេញទំហឹង ធ្វើឱ្យអ្នកជិះម៉ូតូទាំង៣នាក់ដួលបោកនិងថ្នល់បណ្ដាលអោយបុរសស្ដ្រី២នាក់រងរបួសធ្ងន់និងបុរសម្នាក់រងរបួសស្រាល។
បន្ទាប់ពីកើតហេតុរថយន្តបង្កបានបើកគេចបាត់ស្រមោលតែម្តង ចំណែកឯអ្នករបួសត្រូវបានប្រជាពលរដ្ឋហៅរថយន្តសាមុយដឹកទៅសង្គ្រោះនៅមន្ទីរពេទ្យឯកជនភ្លាម ហើយម៉ូតូរងការខូចខាតផ្នែកខាងមុខយ៉ាងតំណំហើយត្រូវបានសមត្ថកិច្ចយកទៅរក្សាទុករង់ចាំម្ចាស់មកទទួលយកវិញ។
មតិយោបល់