នៅរាត្រីទៀបភ្លឺ​នៅថ្ងៃទី ២៦ ខែ​ មិនា ឆ្នាំ ២០១៤ នារាត្រីនេះ ​​វេលាម៉ោង ២ និង ៤៥ នាទី ​ក្នុងក្របខណ្ឌ Premier League មាន ៣ គូ ក្នុងនោះ មានក្លិប Arsenal ប្រក្រួត​ជាមួយ Swansea City ក្លិប Newcastle United ជាមួយនឹង Everton និង ក្លិប Manchester United ជាមួយនឹង Manchester City ។​

៣ គូខាងលើ ​គូដែល​ធ្វើឲ្យគេចាប់អារម្មណ៍បំផុត នោះគឺក្លិប បិសាចក្រហម ប៉ះជាមួយនឹង មេឃខៀវ ។ ក្លិបមេឃខៀវ ជាក្លិបស្ថិតនៅ​លំដាប់ទី ៣ នៃតារាង ខណៈដែល​ម្ចាស់ជើងឯក​ អង់គ្លេស ធ្លាក់ទៅកាន់តារាងទី ៧ ហើយ វា​នឹង​កាន់តែធ្លាក់ជាងនេះទៅទៀត បើសិនជា David Moyes នារាត្រីនេះរៀប ជើងព្រួល ឬទម្រង់លេង​របស់ខ្លួន មិនបានត្រឹមត្រូវនោះ ។​

ជាក់ណាស់ អ្នកវិភាគ បាល់ទាត់ជាច្រើន បានធ្វើការអះអាងថា បិសាចក្រហម អាច​នឹង​ជួប​ទុក្ខ​លើទឹកដីរបស់ខ្លួន បើសិនជា David Moyes គិត​មិនដិតដល់ បើទោះបីជា ស្តារ​កេរ្តិ៍ឈ្មោះខ្លួន ​ដោយបំបាក់ក្លិប olympiakos ៣-០ ឡើងទៅកាន់វគ្គ ៨ក្រុមចុងក្រោយនៃ Champion League លើទឹកដីខ្លួន ​បន្ទាប់ពីចាញ់ហង្សក្រហម លើទឹកដីខ្លួន ៣-០ ដែរនោះ ។

ទន្ទឹមជាមួយនឹងការភ័យព្រួយរបស់ David Moyes នារាត្រីនេះ ថា​ឆ្លងផុតឬយ៉ាងណានោះ ? លោក Manuel Pellegrini អ្នកចាត់ការទូទៅរបស់ក្លិប មេឃខៀវ​បាន​ អះអាងថា “នារាត្រីនេះខ្លួនច្បាស់ជាឈ្នះមិនខាន ព្រោះថា ​ទម្រង់លេង​របស់ខ្លួន នារាត្រីនេះពិតជាខ្លាំងក្លា ខណៈគូប្រកួត បាត់កីឡាករសំខាន់ៗនោះ”។​

តែទោះជាយ៉ាងណា​ ដំណឹងសូមព្យាករណ៍ លើទឹកចិត្ត David Moyes ទុកជាមុនថា ​បិសាចក្រហម អាចនឹង​លុត មេឃខៀវ ក្នុងលទ្ធផល ២-១ លើទឹកដីខ្លួននារាត្រីនេះ បើងាកមើលទៅអតីត​កាលដែលធ្លាប់ជួបគ្នាកន្លងមក​៕​