ភ្នំពេញ៖ គ្រោះថ្នាក់ចរាចរមួយបានកើតឡើងខណៈដែលនារីម្នាក់បើក រថយន្ដហាយព្រីត មួយគ្រឿង ក្នុងល្បឿនលឿនក៍ជ្រុលទៅបុកជាមួយ ម៉ូតូរីម៉កកង់បី មួយគ្រឿងដែលកំពុងបត់ឆ្វេងឆ្លងផ្លូវ ពេញមួយទំហឹង កាលពីវេលាម៉ោង០៨ និង៣០នាទី យប់ថ្ងៃទី២៧ ខែមិនា ឆ្នាំ២០១៤ ត្រង់ចំណុចមុខក្រសួងព័ត៏មាន តាមបណ្ដោយផ្លូវមុនីវង្ស ក្នុងសង្កាត់ស្រះចក ខណ្ឌដូនពេញ។
យោងតាមប្រភពព័ត៌មានបានអោយដឹងថា នៅមុនពេលកើតហេតុគេឃើញ នារីម្នាក់បើក រថយន្ដហាយព្រីត មួយគ្រឿង ពណ៏ស ពាក់ស្លាកលេខ ភ្នំពេញ 2Z .9788 ធ្វើដំណើរតាមបណ្ដោយផ្លូវ មុនីវង្ស បើកបរយ៉ាងលឿន ក្នុងទិសដៅពីជើងទៅត្បូង ស្រាប់តែមកកន្លែងកើតហេតុខាងលើ ក៍បានជ្រុលចង្កូតទៅបុក ជាមួយម៉ូតូរីម៉កកង់បី មួយគ្រឿង ពណ៏ក្រហម អត់ពាក់ស្លាកលេខ ដែលជិះដោយបុរសម្នាក់ ធ្វើដំណើរតាមបណ្ដោយផ្លូវ មុនីវង្ស ជិះក្នុងល្បឿនលឿនល្មម ក្នុងទិសដៅពីត្បូងទៅជើង ហើយម៉ូតូរីម៉កកង់បីកំពុងតែបត់ឆ្វេងឆ្លងផ្លូវ ក៏ធ្វើឲ្យរថយន្តបុកចំកន្ទុយម៉ូតូរីម៉កកង់បី ពេញមួយទំហឹង បណ្ដាលអោយរងការខូចខាតទាំងសងខាង តែគ្រោះថ្នាក់នេះមិនបណ្ដាលអោយមនុស្សរងរបួសនោះទេ ។
ក្រោយពេលកើតហេតុភាកគីទាំងសង់ខាងបានបញ្ចប់រឿងនៅកន្លែងកើយហេតុ ដោយម្ចាស់ម៉ូតូរីម៉កកង់បី ព្រមចេញថ្លៃខូចខាត់ទៅឲ្យម្ចាស់រថយន្តព្រូសចំនួន១៥ដុល្លា ព្រោះមិនចង់រំខានដល់សមត្ថកិច្ចឲ្យវែងឆ្ងាយទៀត៕
មតិយោបល់