កីឡាករសញ្ជាតិព័រទុហ្គាល បានចំណាយទឹកប្រាក់ផ្ទាល់ខ្លួនជាច្រើន ដើម្បីឲ្យគ្រួសារទាំងមូល ឃើញខ្លួនលេង ក្នុងការប្រកួត World Cup នៅប្រេស៊ីល ក្នុងខែមិថុនាខាងមុខនេះ ។
Cristiano Ronaldo (CR7)និងមិត្តរួមក្រុមរបស់ជាតិខ្លួន នឹងត្រូវធ្វើដំណើរ ជាមួយនឹងយន្តហោះ ដែលផ្ទុកចំនួន មនុស្សចំនួន ២០០ នាក់ និង យន្តហោះឯកជនចំនួន ៤ គ្រឿងទៀត ដើម្បីពាំនាំគ្រួសាររបស់ខ្លួន ទៅមើលការប្រកួតនៅ World Cup 2014 ក្នុងប្រទេសប្រេស៊ីល ។ នេះបើយោងតាមមន្ត្រីទ័ពអាកាសរបស់ប្រេស៊ីល បានប្រាប់ដល់ AFP នោះ។
ប្រភពខ្លះ បានបញ្ជាក់ថា តារាបាល់ទាត់របស់ក្លិប អធិរាជស Real Madrid នឹងជួលសណ្ឋាគារលំដាប់ផ្កាយ ៥ សម្រាប់គ្រួសារ និង មិត្តភក្តិជិតស្និទ្ធ ក្នុងអំឡុងពេលប្រកួត World Cup 2014 ។
ទន្ទឹមជាមួយនឹងគ្នានេះដែរ សារព័ត៌មានរបស់ប្រេស៊ីលបានចុះឡើងកងរំពង ខណៈដែលបានឭពីដំណឹងនេះ ដោយ តារាបាល់ទាត់រូបនេះនឹងមកកាន់ ប្រេស៊ីលនៅថ្ងៃទី ៤ ខែ មិថុនា ខាងមុខ ជាមួយនឹង យន្តហោះឯកជន ចំនួន ៤ គ្រឿង ។
ក្រុមបាល់ទាត់តំណាងជាតិរបស់ Ronaldo នឹងទទួលស្វាគមន៍ អាល្លឺម៉ង់ នៅថ្ងៃទី ១៥ ខែ មិថុនា ហើយសប្តាហ៍បន្ទាប់គឺ អាមេរិកតែម្តង និងបញ្ចប់ការប្រកួត ដោយជួបជាមួយនឹង Ghana នៅថ្ងៃទី ២៦ ខែ មិថុនា ផងដែរ៕
មតិយោបល់