អគ្គនាយកដ្ឋានពន្ធដារបាននិយាយ ក្នុងសេចក្តីប្រកាសព័ត៌មានស្តីពីកិច្ចប្រជុំកាលពី ថ្ងៃទី ២៥ ខែមីនា ឆ្នាំ ២០១៤ ថា ការប្រមូលចំណូលពន្ធ-អាករគ្រប់ប្រភេទសម្រាប់ត្រីមាសទី ១ ដើមឆ្នាំ ២០១៤ គិតត្រឹមសប្តាហ៍ទី ៣ នៃខែមីនា ជាលទ្ធផលប្រមូល ចំណូលបានចំនួន ៧៦៧.៧៧៤,០២ លានរៀល គឺប្រមាណ ១៩១,៩៤ លានដុល្លារអាមេរិកស្មើនឹង ១៩,៣១%នៃ ផែនការកំណត់ដោយច្បាប់នោះ។
កិច្ចប្រជុំក្រោមអធិបតីភាព ឯកឧត្តម អូន ព័ន្ធមុនីរ័ត្ន រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ និងឯកឧត្តម គង់ វិបុល ប្រតិភូរាជរដ្ឋាភិបាលទទួល បន្ទុកជា អគ្គនាយក នៃអគ្គនាយកដ្ឋាន ពន្ធដារនោះបានបញ្ជាក់ថា ដោយរដូវកាលនៃការប្រកាសបង់ពន្ធលើប្រាក់ចំណេញនៅមិន ទាន់បិទបញ្ចប់នៅឡើយនោះ អគ្គនាយកដ្ឋានពន្ធដាររំពឹងថា ចំណូលពន្ធនឹងមានការកើន ឡើងនៅក្រោយការបិទបញ្ចប់នៃការប្រមូលពន្ធលើប្រាក់ចំណេញនាដំណាច់ខែមីនានេះ។
សេចក្តីប្រកាសព័ត៌មានបាននិយាយថា លោករដ្ឋមន្ត្រីបានវាយតម្លៃខ្ពស់ចំពោះគ្រប់ អង្គភាពពន្ធដារ ដែលបានប្រឹងប្រែងខិតខំប្រមូលចំណូល ដែលមានការកើនឡើងគួរជាទី ពេញចិត្ត និងបានផ្តល់អនុសាសន៍ណែនាំបន្ថែមឲ្យខិតខំពង្រឹងការអនុវត្តច្បាប់ វិន័យការងារ និងក្រមសីលធម៌វិជ្ជាជីវៈ ឲ្យបានត្រឹមត្រូវ និងត្រូវមានភពទន់ភ្លន់ តែម៉ឹងម៉ាត់ដោយផ្អែកលើ ទិដ្ឋភាពច្បាប់ជាមូលដ្ឋាន ក្នុងការឆ្លើយតបទៅកាន់អ្នកជាប់ពន្ធ ដោយធ្វើយ៉ាង ណាឲ្យអ្នកជាប់ ពន្ធសប្បាយចិត្ត និងសម្តែងការរអ៊ូរទាំ និងផ្តល់កិច្ចសហការល្អក្នុងការបង់ពន្ធជូនរដ្ឋនោះ។
នៅរយៈពេលចុងក្រោយនេះ អគ្គនាយកដ្ឋានពន្ធដារបានចាប់យករបត់នៃការកែទម្រង់ ថ្មីមួយ ដែលធ្វើឲ្យស្ថានភាពនៃការពង្រឹងរដ្ឋបាលសារពើពន្ធ និងគោលនយោបាយសារពើពន្ធ ត្រូវបានផ្លាស់ប្តូរផងដែរ ។ ស្ថិតក្នុងបរិបទនេះ ការរៀបចំធ្វើវិសោធនកម្មច្បាប់ស្តីពីពន្ធដារ ព្រមទាំងការរៀបចំបង្កើត និងបំពេញបន្ថែមនូវរាល់លិខិតបទដ្ឋានគតិយុត្តិនានា ត្រូវបានធ្វើ ឡើង ក្នុងបំណងធ្វើយ៉ាងណាឲ្យនីតិវិធីនៃការប្រមូលពន្ធប្រព្រឹត្តទៅដោយរលូន ប្រកបដោយ តម្លាភាព ប្រសិទ្ធភាពខ្ពស់ និងការបង្កើតនូវបរិយាកាសប្រកួតប្រជែងដោយស្មើភាពគ្នាចំពោះ គ្រប់ធុរជន ។
សេចក្តីប្រកាសព័ត៌មានក៏បានបញ្ជាក់ដែរថា ទឡ្ហីករណ៍សំខាន់ៗដែលជាលទ្ធផលនៃ របត់កំណែទម្រង់ ជាពិសេសក្នុងរយៈពេល ៣ ខែដើមឆ្នាំ ២០១៤ នេះបានស្តែងចេញឲ្យឃើញ តាមរយៈលទ្ធផលការងារសំខាន់ដូចជា ការកែលម្អរដ្ឋបាលសារពើពន្ធ ដោយការបង្កើតមជ្ឈ មណ្ឌលរក្សាទុកទិន្នន័យ រៀបចំបង្កើត Call Center រៀបចំធ្វើទំនើបកម្មប្រព័ន្ធព័ត៌មានវិទ្យា ចេញសេចក្តីជូនដំណឹងស្តីពីការបង់ពន្ធលើអចលនទ្រព្យ និងការចុះត្រួតពិនិត្យលើ អចលន ទ្រព្យ ដែលមិនទាន់ប្រកាសបង់ពន្ធ និងការរំលឹកការបង់ពន្ធផ្សេងៗ ព្រមទាំងរៀបចំការពិនិត្យ ការអនុវត្តការប្រមូលពន្ធលើមធ្យោបាយ ដឹកជញ្ជូន និងយានជំនិះគ្រប់ប្រភេទ និងពន្ធលើ អចលនទ្រព្យ បានរៀបចំកែសម្រួលដំណើរការនៃសង្វាក់ផលិតកម្មការងារ នៃការដាក់លិខិត ប្រកាសពន្ធរបស់អ្នកជាប់ពន្ធ ដោយកាត់បន្ថយនីតិវិធីនៃការបង់ប្រាក់ពន្ធ ដោយតម្រូវឲ្យអ្នក ជាប់ពន្ធគ្រាន់តែយកលិខិតស្នើបង់ប្រាក់ពន្ធ ហើយបន្ទាប់មកទៅបង់ប្រាក់ពន្ធនៅធនាគារជា ការស្រេច… ។
ចំពោះការកែលម្អគោលនយោបាយសារព់ពន្ធវិញ ក្នុងឋានៈជាស្ថាប័នដ៏មានសារសំ ខាន់ជាសារវន្ត អគ្គនាយកដ្ឋានពន្ធដារបានកែសម្រួល គោលនយោបាយសារពើពន្ធមួយចំនួន ដូចជា រៀបចំវិសោនកម្មច្បាប់ស្តីពីសារពើពន្ធឲ្យស្របតាមស្ថានភាពរីកចម្រើននៃសេដ្ឋកិច្ច ជាតិ និងដើម្បីឲ្យមានសង្គតិភាពជាមួយនឹងច្បាប់ស្តីពីការវិនិយោគ ព្រមទាំងច្បាប់នានា បាន ធ្វើបច្ចុប្បន្នភាពគណៈកម្មការកំណែទម្រង់ច្បាប់ និងបទប្បញ្ញត្តិសារពើពន្ធរបស់អគ្គនាយក ដ្ឋានពន្ធដារ សម្រាប់រៀបចំសេចក្តីព្រាងវិសោធនកម្មច្បាប់ និងបទប្បញ្ញត្តិសាពើពន្ធនានា បានបញ្ចប់បទប្បញ្ញត្តិស្តីពីពន្ធលើប្រតិបត្តិការប្រេងកាត រ៉ែ និងឧស្ម័នធម្មជាតិ ដើម្បីបញ្ចូល ទៅក្នុងច្បាប់ស្តីពីវិសោធនកម្មច្បាប់ស្តីពីសារពើពន្ធ បានបញ្ចប់សេចក្តីព្រាងកិច្ចព្រមព្រៀងស្តី ពីការចៀសវាងការយកពន្ធត្រួតគ្នា គំរូកម្ពុជា និងកំពុងរៀបចំក្រុមការងារ ព្រមទាំងកំណត់ប្រ ទេសសម្រាប់ចរចានៅក្នុងឆ្នាំ ២០១៤ ជាដើម៕
ប្រភព៖ AKP
មតិយោបល់