ជម្លោះដ៏រ៉ាំរៃរវាងក្រុមហ៊ុន Apple និង Samsung បានផ្ទុះឡើងនៅលើបណ្ដាប្រទេសជាច្រើន ហើយមកដល់ពេលនេះ ក៏នៅមិនទាន់បញ្ចប់ទៀត ដោយមានប្រទេសខ្លះ Apple ឈ្នះ ប្រទេសខ្លះទៀត Samsung ជាអ្នកឈ្នះវិញ។
ដោយឡែកនៅថ្ងៃនេះ តុលាការទីក្រុងតូក្យូបានបង្ហាញឲ្យដឹងថា ក្រុមហ៊ុន Apple ប្រហែលជាឈ្នះក្ដី Samsung នៅក្នុងប្រទេសជប៉ុន។
យោងតាមសេចក្ដីប្រកាសរបស់តុលាការទីក្រុងតូក្យូដែលចេញផ្សាយកាលពីថ្មីៗនេះ បានឲ្យដឹងថាក្រុមហ៊ុន Apple មិនបានរំលោភលើប៉ាតង់ដូចពាក្យចោទប្រកាន់របស់ក្រុមហ៊ុន Samsung នោះទេ ហើយក៏ត្រូវបង់ប្រាក់ផាកពិន័យដល់ Samsung ដែរ។
ឧបករណ៍ដែល Samsung ចោទប្រកាន់ថាបានរំលោភលើប៉ាតង់របស់ខ្លួននោះរួមមាន iPad 2, iPhone 4 និង iPhone 4S។
គួរបញ្ជាក់ផងដែរថា បណ្ដឹងធំរបស់ក្រុមហ៊ុនទាំងពីរនេះ នឹងត្រូវបញ្ចប់នៅចុងខែនេះ ព្រោះថាតុលាការអាមេរិបានកំណត់ថ្ងៃបើកសវនការរួចរាល់ហើយ រងពេលវេលាមកដល់៕
មតិយោបល់