ភ្នំពេញ ៖ គូរសង្សាមូយគូរ ជិះម៉ូតូកូនទា ពណ៌ទឹកក្រូច ពាក់ស្លាកលេខ ភ្នំពេញ BN-3113 ធ្វើដំណើរ ពីកើត ទៅលិច តាមបណ្តោយផ្លូវ១៩៨៨ ក្នុងស្ថានភាពស្រវឹង បានទៅបុក ជាមួយនិងរថយន្ត លុចស៊ីស RX300 ពណ៌ស ពាក់ស្លាកលេខភ្នំពេញ 2B-5329 បើកបរដោយបុរសម្នាក់ ក្នុងទិសដៅបញ្ច្រាស់គ្នា ជាមួយម៉ូតូគូរសង្សានេះ នៅចំណុច មុខហាងម៉ាស្សា ដែលមានយីហោ ឌៀង លាង ស្ថិត
នៅក្នុង សង្កាត់ភ្នំពេញ ថ្មី ខណ្ឌសែនសុខ វេលាម៉ោង១១និង៥០នាទីយប់ ថ្ងៃទី ២៦មីនា ២០១៤ ។
ប្រភពព័ត៌មានបានឱ្យដឹងថា បន្ទាប់ពី ម៉ូតូគូសង្សាមួយគូរនេះ ជិះមកបុករថយន្តលុចស៊ីសហើយ គឺបណ្តាលឱ្យគូរសង្សាមួយគូរនេះ សន្លប់ប្រហែល ០៥នាទី ហើយក៏ដឹងខ្លួនឡើងវិញ ហើយអ្នកបើក រថយន្តក៏ពុំបានគេចទៅណាដែរ ។
ក្រោយពេលកើតហេតុ ភាគីខាងរថយន្ត បានចេញថ្លៃ ព្យាបាលរបួស និងជួសជុលម៉ូតូចំនួន ៥០ដុល្លា ដើម្បីបញ្ចប់រឿង ព្រោះមិនចង់វែងឆ្ងាយ ៕
មតិយោបល់