ភ្នំពេញ៖ យុវជនម្នាក់បានរងរបួសធ្ងន់និងម្នាក់ទៀតរងរបួសស្រាលដោយសារតែពួកគេជិះម៉ូតូ២គ្រឿងបុកគ្នាពេញទំហឹង កាលពីវេលាម៉ោង២១និង១០នាទីយប់ថ្ងៃទី២៦ ខែមិនាឆ្នាំ២០១៤ នៅចំណុចមុខក្តាន់២ តាមបណ្ដោយផ្លូវនិរកស៍ ផ្លួវសហព័ន្ធរូស្ស៊ី ស្ថិតក្នុងសង្កាត់មិត្តភាព ខណ្ឌ៧មករា ។
តាមសាក្សីនៅកន្លែងកើតហេតុបានឲ្យដឹងថា មុនពេលកើតហេតុគេបានឃើញយុវជនម្នាក់ជិះម៉ូតូនិច ពណ៌ទឹកប្រាក់ ពាក់ស្លាកលេខភ្នំពេញ1CE-0350 ធ្វើដំណើរតាមបណ្ដោយផ្លូវសហព័ន្ធរូស្ស៊ី ក្នុងទិសដៅពីលិចទៅកើតលុះមកដល់ចំណុចកើតហេតុស្រាប់តែជ្រុលបុកម៉ូតូសេ១១០ ពណ៌ខ្មៅ ពាក់ស្លាកលេខភ្នំពេញ1BU-2696 ធ្វើដំណើរក្នុងទិសដៅពីកើតទៅលិចហើយបត់ឆ្វេងទៅតាមផ្លូវនិរកស៍ បានបុកគ្នាពេញទំហឹងបណ្ដាលឲ្យរងបួសម្ចាស់ម៉ូតូនិចរងរបួសធ្ងន់ចំណែកម្ចាស់ម៉ូតូសេ១១០របួសស្រាល។
ក្រោយពេលកើតហេតុជនរងគ្រោះត្រូវបានរថយន្តសង្គ្រោះដឹកទៅសង្គ្រោះនៅមន្ទីរពេទ្យភ្លាមចំណែកម៉ូតូត្រូវបានសមត្ថកិច្ចយកទៅរក្សាទុកនៅអធិការដ្ឋាននគរបាលខណ្ឌ៧មករាដើម្បីរងចាំដោះស្រាយពេលក្រោយ៕
មតិយោបល់