ភ្នំពេញ ៖ រនាំងដែក ពុះចែកទ្រូងផ្លូវ បានបាក់អស់ចំនួន ០៣ផ្ទាំង ដោយសារតែបុរសម្នាក់ រីយ៉ែរថយន្តថយក្រោយយ៉ាងលឿន ក្នុងស្ថានភាពស្រវឹង ហើយបានជ្រុល គូទរថយន្តទៅបុករនាំងដែកបណ្តាលឲ្យបាក់រងការខូចខាត់ កាល វេលាម៉ោង១២និង ២០នាទី យប់អធ្រាត ថ្ងៃទី២៨មីនា ២០១៤ នៅចំណុចមុខ ខារ៉ាអូខេ អេហ្ស៊ីប តាមបណ្តោយផ្លូវ ម៉ៅសេទុង ស្ថិតក្នុង សង្កាត់ ផ្សារដេប៉ូ៣ ខណ្ឌទួលគោក ។
យោងតាមប្រភពព័ត៌មាននៅកន្លែងកើតហេតុបានឱ្យដឹងថា នៅមុនពេលកើតហេតុ គេសង្កេតឃើញបុរសម្នាក់ ចេញពីខារ៉ាអូខេ អេហ្ស៊ីប ទាំងស្ថានភាពស្រវឹង ហើយបានឡើងបើករថយន្តមួយគ្រឿង ម៉ាកកូរ៉ូឡា ពណ៌ឈាមជ្រូក ពាក់ស្លាកលេខ ភ្នំពេញ 2W-4910 ដែលចតចោល នៅខាងលិចថ្នល់ រួចបាន រីយ៉ែ រថយន្ត ថយក្រោយក្នុង ល្បឿនយ៉ាងលឿន ក៏បានជ្រុលគូទ រថយន្ត ទៅបុកនិងរនាំងដែក ពុះចែកទ្រូងផ្លូវ បណ្តាលឲ្យបាក់អស់ចំនួន ០៣ផ្ទាំងរងកាខូចខាត់ ហើយរថយន្តបង្ក ក៏បានបួងចង្កូតគេចខ្លួនបាត់ភ្លាមៗតែម្តង ។
ក្រោយពេលកើតហេតុសមត្ថកិច្ចក៏បានចុះមកដល់កន្លែងកើតហេតុ និងសាកើសួរនៅកន្លែងកើតហេតុ ហើយក៏បានស្គាល់ស្លាក់លេខរថយន្តបង្ក និងស្រាវជ្រាវយកមកទទួលខុសត្រូវនៃកំហុសរបស់ខ្លួនដែលបានបង្ក៕
មតិយោបល់